Marko 8:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² “An ꞌdooꞌda weyti uur isoonugleesda. Maan seyyah dakkhan ani on ileejire wihi icho yamhiin la ma khabaan.

Marko 8:2 Referans Kwoze

Mattaayo 9:36

Chirri us urur arge ka, weyti uur inugleeste, a mehe iꞌdi iiyti ersim ikhabin u, a waꞌdwaaꞌdaane, toro la et gargaaro mele.

Ibiraaniya 5:2

Kuhaanihi ween ullaka ꞌdabakkhi weeli enenyet a khaba gone, ꞌdooꞌdi jeenteti us jiti mujjume igaran u uskeel gelo, inahin a yabuuꞌd.

Ibiraaniya 4:15

Kuhaaniheenka weyti ween la ꞌdabakkheen tuumman a isoonaha. Iꞌdi tahe sagag tuumman ka saggi kajmeti uskeel inno kaluguꞌddo inno liikakajo on usu laka liikaje, iꞌdaasenyi uskeeloo rucchul laka ma gelin.

Luuka 15:20

ꞌDeerka kahe anki aabbahiis jiro fool siiche. “Iꞌdaasenyi geeddi us goobicho isooeleelin on fogaka aabbahiis usu arge, uur isoonugleeste inyaame sorboobte dongate.

Luuka 7:13

Kamur chuꞌus makhaabál arge ka, uur isoonugleeste wihi us iyidah, “Ooyine chubbah!”

Marko 9:22

Geeddi buure ꞌdab ommos bicche goya kaluguꞌdda, ichehi tagiise ꞌdoontaa. Iꞌdaasenyi chaꞌat wohoo nah iyeelin tabuuꞌd, uur nah isoonugleyso, nah gargaar!”

Marko 6:34

Chirri beyti Gaalilaaya afiche ka Yeesso kooban kasooyage ka, urura buure arge. Weyti uur inugleeste, a mehe ꞌdooꞌdaas a iꞌdi iiyti ersim laa. ꞌDeerka wihi ittaawenye Waakh miinsan abinnaan sookhabte.

Marko 5:19

Iꞌdaasenyi Yeesso wihi us iyidah, “Mele, nyaam goobaah iro, geeddi Kamuraah kiyeele, ichoow saggi us uur ikaasoonugleeste, ꞌdooꞌdaah icheek.”

Marko 1:41

Yeesso etaas weyti uur isoonugleeste, dahan ooge et ꞌdaare, wihi us iyidah, “A ꞌdoona, biꞌdir bah!”

Mattaayo 20:34

Yeesso la uur isoonugleeste, indohicho ꞌdaare. Chirraas on il argeene usu raaheen.

Mattaayo 14:14

Chirri beyti Gaalilaaya afiche ka Yeesso kooban kasooyage ka, urura buure arge, weyti uur inugleeste, toro ꞌdooꞌdichoki khakkhannan laka samaache.

Ibiraaniya 2:17

Jeentetaas u sagag tuumman ka iꞌdi ꞌdooꞌdi uuriisenye yitahye, kuhaanihi weyti weene hili Waakh ka lakakhuufo toro uur nugul yitah. Ulla toro iꞌdane yeele, ꞌdee soorriyoti holi Waakh laabto bahcha, ꞌdee Waakh uskeeli weeli enenyet kakuta.

Marko 6:32

ꞌDeerka keley kooban goya kidiheene, intoo khaawwan irteen.

Marko 8:3

Chirri an ankaa khabaani goobassicho ilaabo jit ka a sussuuhaan. A mehe gaasichokoo foga kayimaateen.”