Marko 7:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Toro la chiꞌiche sokko katimiy, ma golossataan sammata icho koloo dahano idikhan. Saggaas on u hugummeti noole raahta iꞌdi maanta ti kokkoobbe ichoow karmohi gaꞌdaarre ichoow ibiriikkhe ladikho.

Marko 7:4 Referans Kwoze

Ibiraaniya 9:10

Ayyinti oraat wihi iche miinsantahe, a daawohi wihi layaham ichoow wihi ladamo ichoow enenyeti isdikho on. Wahanyeyyoha enenyet lakaꞌdoono la sarti kharaat kaldaye miinsanyahiin. Waha la a laraaha one ichoowka Waakh walah tuumman husubnaacha.

Mattaayo 23:25

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Atin kokkoob ichoow baakhuul khariissa dikhtaane, iꞌdaasenyi gololi goytiin kijiro a wihi atin ꞌdamaam ka ꞌdooꞌd sarteen.

Yaakoobo 4:8

Waakh isoodowwaada giꞌde ulla a atin isoodowwaataa. Atinha uskeel leh, dahanohiin uskeeli atin yeesseen ka dikha. Atinha uurlammaal khabattaan, uurassiin dikha.

Yoohana 2:6

ꞌDiraammetoo lihenye burbuurenye dagaheete bicche lakachibo yaafohi Yaꞌhuud hugumme ka kadikhatti intaas a kajireen. Kooba la bicchehi geeddi litta tomon siyyeet ichoowka litta kudoo ichoow tomon lamma iche khaata.

1 Yoohana 1:7

Iꞌdaasenyi chirri inno banay goya kaassohanni saggi us banay goya ikajiruu, inno tuumman kulankoo kaldaye khabna, diig Yeessohi Weeli Waakhe la uskeeleen tuumman a inno kadikha.

Mattaayo 27:24

Chirri Bilaato saggi us wohoo iyeeline iꞌdaasenyi urur weyti iuskulaate il ibaabiicho arge ka, bicche on khaate, urur ortiis ka dahano dikhte. Wihi us yidah, “An eta wohoo rucchul laka iyeelin diiggiis ma gelo, khaata iꞌdi atin tadeehiin daha.”

Yoohana 3:25

Abatti Yoohanatoo ichoow etoo Yaꞌhuude ba yeedoo daawti saggi isliidikho biꞌdir islabahcho miinsan isleeiriireen.

Mattaayo 23:26

Atinha Farissaayo indo laa, koloo uurassiin goya dikha, ꞌdee wahanyeyyoha kharaat laka biꞌdir a bahaanee.

Marko 7:8

Amurreti Waakh a ꞌdiissaane, hugunki enenyet jurkhissaan.”