Marko 7:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ Serey yeye, “Eꞌh!” yidahye, toro, “Effaaꞌda” yidah. Iꞌdaakka la “Furam!” iche leessa.

Marko 7:34 Referans Kwoze

Yoohana 11:41

Daddaab hawwaal afiche lakabahche. Yeesso ꞌdeerka serey yeye, wihi us yidah, “Aabba, jeenteti at ani idaagtuu, kalaꞌde kisoolaaba.

Marko 6:41

Makaateyyohi chane ichoow bahaggi lammee khaate, serey yeye, Waakh kalaꞌd ilaabe, makaateyyo la jejjebche. ꞌDeerka abattitiis idiibe, ꞌdee enenyet a gisso. Bahaggi lammee laka jejjebche icho tuumman gise.

Marko 5:41

Inám dahan sookhabte, “Taliiꞌda kuum!” iyidah. Iꞌda ka mehe leessa ya, “Inantaay sookahe kidowa!”

Hilassi Ergaano 9:34

Beetero la wihi us Ayyenneya iyidah, “Ayyenneya, Yeesso Kiriisto a kisamaacha, kahe ilaalaah khaat!” Ulla chirraas on sookahe.

Yoohana 11:33

Chirri Yeesso ichehi ooyto arge ka, ꞌdooꞌdi Yaꞌhuude leejiro laka usuhi ooyo arge, rubeye weyti uskulaatte, mal gele.

Marko 15:34

Sahaꞌd saagaal ka Yeesso hooyi buure ka riire, “Elooy, Elooy, laama sabakhtani?” yidah. Wahaas la a mehe ya, “Waakkhaayaaw, Waakkhaayaaw, a iꞌdoh ikatabte?”

Marko 8:12

Yeesso uur suujowe, “ꞌDooꞌda iꞌdee a iꞌdoh wahanyeyyohi miigti Waakh tuso idaaha?” yidah. “Rume atin icheeka, wohoo kaldaye miigti Waakh tuso laka ma lasiicho!”

Hilassi Ergaano 9:40

Beetero la icho tuumman khar ibahche, jilbo il kaguꞌdde Waakh wahte. Makhaabassi bujje iurgiye wihi us iyidah, “Tabiita, sookah!” Iche la indo soobakkaahisse, chiꞌiche Beetero agarte ka soorrommatte.

Yoohana 11:43

Inkoo us waha yidah ka weyti riire, “Laassaro, soobah!” yidah.

Ibiraaniya 4:15

Kuhaaniheenka weyti ween la ꞌdabakkheen tuumman a isoonaha. Iꞌdi tahe sagag tuumman ka saggi kajmeti uskeel inno kaluguꞌddo inno liikakajo on usu laka liikaje, iꞌdaasenyi uskeeloo rucchul laka ma gelin.

Yoohana 17:1

Inkoo Yeesso waha yidah ka, serey yeye, Waakh wahte, wihi us yidah, “Aabba, ibeen a yitah. Weelaah weynaay, ꞌdee Weelaah a kiweynaacho.

Yoohana 11:38

Yeesso toro weyti rubeye uskulaatte, hawwaassi goꞌdenye daddaabtoo buure af lakorche hagga irte.

Yoohana 11:35

Yeesso ooye.

Luuka 19:41

Chirri us ilkerengeetti weene Yeerusaleem isoodowwaate ilkerengeet arge ka, kooye,

Luuka 18:42

Yeesso la wihi us iyidah, “Indo bihi. Kakhuufnaanki at ikakhuufte a kisamaachee.”

Luuka 7:14

Ulla ꞌdeerka irte, lallaabohi inanki buje lakasiꞌdo ꞌdaare. ꞌDooꞌdi siꞌdo la tolossate. Yeesso la wihi us yidah, “Irka sookahe kidowa!”

Marko 1:41

Yeesso etaas weyti uur isoonugleeste, dahan ooge et ꞌdaare, wihi us iyidah, “A ꞌdoona, biꞌdir bah!”

Marko 7:35

Chirraas on et dogo bakkaaheene, harrabiis furname, mujjum yeyyeede!