Marko 7:27 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁷ Iꞌdaasenyi arám iiyeyye, “Alley, koloo nyaakhut a golossati, a mehe gololi nyaakhute lakhaato kararre liikhubo ma haaggan.”

Marko 7:27 Referans Kwoze

Hilassi Ergaano 22:21

“Kamur la wihi us ani iyidah, ‘Nyaam, ani yaafohi Yaꞌhuud ieheynane fogaate kiergada.’ ”

Mattaayo 10:5

Yeesso reera tomon ichoow lammee ili kharaat ierge, wihi us leefarme la a mehe ya, “Ili ꞌdooꞌdi yaafohi Yaꞌhuud ieheynan iiranna ommos ilkerengeettoo kaldaye Saamariya laka agelina.

Mattaayo 7:6

“Wihi munyee ꞌdooꞌdi Waakh ꞌdiiꞌddan asiinna. ꞌDooꞌda a iꞌdi kararreti yibaate kisoonokhatti, kitaham. Wihi weyti haaggan la, ꞌdooꞌdi haaggicho ꞌdiiꞌddan asiinna. ꞌDooꞌda iꞌdi golchuu wahaas haaggan a yabta.

Efeesso 2:12

Saggi goorat maantaas atin ichoow Kiriisto yeerar ieheneet kasooꞌhela. Atin yaafohi Issiraayele Waakh soobahsate goya ma kajirin. Ayyinti goorat Waakh yaaftaas igooche atin goya ma kajirin. Harrata uskeel kijiro ka la khajjeeloo rucchul laka ma khabine, Waakh laka ma khabin.

Rooma 15:8

A mehe wihi an atin icheeko, Kiriisto falfati yaafohi Yaꞌhuude khandiiti iche yitah. Falfatichoti us yitah ka la, saggi Waakh liikakhuufo us ayyinti us aacchinyeteenti oraat igooche irummaache iche tusa.

Marko 7:26

Makhaabassa la a yaaftoo Yaꞌhuud ieheynane ili Siiriya ka intoo Foniikiya layadeehe kadelatte. Yeesso hawwaassatte, wihi iche itidah, “Ginna inanteey goya kabihi!”

Marko 7:28

Wihi iche ilaabte, “Aa, Kamuraaw! Iꞌdaasenyi kararre laka, kombor iliche ka wihi nyaakhut kididdihe a suunatta on gon.”