Marko 7:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Wihi addan a mejeli makhaabassi tiis ieheynan leeurꞌdo, ꞌdamaam, uskeeli layeelo, ekkeysi, sohoꞌddarri, kalꞌdarri, ham, rannyaat ichoow ꞌdalammoon.

Marko 7:22 Referans Kwoze

Mattaayo 20:15

Ma imuꞌdan a chaꞌan chilimmeteey iꞌdi an ꞌdoono adeeh? Ommos jeenteti an uur ꞌdabakh iahe kalꞌdarri ikhabtaan?’

1 Beetero 5:5

Saggaasu la atinhi nunnugul taba ayti ewween atin idowo akutina. Atin tuumman la tuum isnuglaacha a mehe, “Waakh eti eylajo a ꞌdiiꞌddanyahe, iꞌdaasenyi eti isnuglaacho haaggiiski buurenye siicha.”

1 Beetero 2:15

A mehe wihi Waakh ꞌdoono a mehe ya, a atinhi haaggi atin yeessaan ka, ꞌdooꞌdi wihi ꞌdalam atin kacheekti chubbahissaan.

2 Koriinto 10:5

Wihi inno jejjebinno a iriirti yeedi beenaat liiriiro ichoow rannyaatti noole abanti Waakh laabti jeyisso. Nah toro mal tuummane khabanna ꞌdee iholinna Kiriisto raahaan.

Mattaayo 6:23

Iꞌdaasenyi chirri indohaah suujyahiin sartaah mugꞌdi buuha. ꞌDeerka chirri banayhi at khabto lajicche at mugꞌdihi reebenye goya kijirta.

Marko 7:21

A mehe enenyet uuriis goya iche mali suuje kayamiit iꞌdi maanta, ꞌdooꞌdi isidisanne isleeurꞌdo, hatto ichoow ogoossi dubunuunu lagelo.

Marko 7:23

Uskeelaas tuumman a ki enenyet goytiis kasoobaho biꞌdirroocho.”