Marko 6:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Ulla girmeeste icho ikakhuufinee. Yeesso ꞌdeerka goobassi intaas kamarsan marche, Yeedi Waakh abche.

Marko 6:6 Referans Kwoze

Mattaayo 9:35

Yeesso ilkerengeeto ichoow goobab tuumman goya tabe minassichoki weysiite Yaꞌhuud ka ꞌdooꞌd wori Waakh abche. Wori Haaggane dakhi Waakh miinsan icheeke, sugeerre ichoow khannaatte tuumman ꞌdooꞌd kabahche.

Mattaayo 8:10

Chirri Yeesso waha daage ka weyti girmeeste, wihi us ururi sooraaho iyidah, “Rume atin icheeka, an injire yaafohi Issiraayel goyaka, eti geedda weyti Waakh kakhuufo ma ꞌhelin.

Luuka 13:22

Yeesso orey isohte anki ilkerengeetti weene Yeerusaleem tabe. Geedda us sohti la ilkerengeet ichoow goobab dah kagooche, ꞌdooꞌd wori Waakh abche.

Hilassi Ergaano 10:38

Saggi Waakh Yeessohi Naasaret Rubeyti Munyee ichoow miig isiiche a garattaan. Jeenteti Waakh ileejiruu us meel tuummane irte, wihi haaggan yeele, ꞌdooꞌdi Seytaan sina kawaaricho samaache.

Yoohana 9:30

Et la wihi us ilaabe, “Enenne waha a girmo! Atin eta inti us kayimiy ma garattaane, ulla indoheey a ihaaggiche!

Mattaayo 4:23

Yeesso boroofenhi Gaalilaaya tuumman goya tabe, minassichoki weysiite Yaꞌhuud ka Wori Haaggane dakhi Waakh miinsan cheeke, ꞌdooꞌdi khakkhannane khannaattetiis fil dakkhan tahe laka samaache.

Luuka 4:44

Ulla ili Yaꞌhuud ka minassi weysiite Yaꞌhuud ka Yeedi Waakh cheeke.

Luuka 4:31

Yeesso ꞌdeerka ilkerengeetti Kafarnaaꞌhume boroofenhi Gaalilaaya kajirto ikhubte, Seeri Lanaso ka enenyet Yeedi Waakh abin sookhabte.

Marko 1:39

ꞌDeerka boroofenhi Gaalilaaya tuumman goya kasohte, Yeedi Waakh minassichoki weysiite Yaꞌhuud ka cheeke, ꞌdooꞌdi ginnayyo dakhtaan la ginnayyo kabahche.

Marko 10:1

Yeesso ꞌdeerka intaas kakahe, anki boroofenhi Yaꞌhuudiya ichoow hawti Yoordane ꞌdusso berihiche irte. Urur toro isootabe, ulla iꞌdiiski orrankateet u wahanyeyyohi Waakh abche.