Marko 6:56 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵⁶ Meelbaaw Yeesso irte ka, ilkerengeeto eheetteey, goobab eheetteey ommos gosas eheetteey ka ba, ꞌdooꞌdichoki khakkhannan siriiro kasoosiꞌdaane, sokkoti ꞌdee us yamiit, geecheen. Hawwaasteene, “Alley bal laddi kabuuꞌdaah kalday laka a ꞌdaareen,” iyidaaheen. Eti tuummane ꞌdaare la samaate.

Marko 6:56 Referans Kwoze

Mattaayo 9:20

Chirraas on makhaabassoo khannane geeddi guꞌh tomon ichoow lamma ba diigte Yeesso ꞌdubiis leetimiyye, laddi kabuuꞌdiis ꞌdaarte.

Luuka 6:19

ꞌDooꞌd tuumman ebba Yeesso ꞌdaarin ꞌdoona, iꞌdi tahe miige usu kasoobahta icho tuumman samaassa.

Marko 3:10

A mehe enenyeti buurenye samaache, ꞌdeerka ꞌdooꞌdi khakkhannan tuumman a issootakha, Yeesso ꞌdaarin ꞌdoonaa.

Hilassi Ergaano 5:15

Jeenteti wihi ergaano haaggissuu, enenyet ꞌdooꞌdichoki khakkhannan jitate keene, siriiro ichoow ilaalle kareeche. Iꞌdane yeeleene, ꞌdee kolossoo chirri Beetero sohti oosintiis ꞌdooꞌdoo khakkhannan oosimmoosse, samaataan.

Hilassi Ergaano 4:12

Ribnaanki enenyet et addane lakaꞌhelo mele. A mehe magahoo addane Waakh harra tuumman ka inno karibo ma jiro.”

Hilassi Ergaano 4:9

wihi maalinka nah lakahukkumo, a haaggi nah uuri ꞌdabakhe ka eta goorat luhlo laa nah tusne. Ichoow toro saggi liisamaache iche nah laworsata.

Luuka 22:51

Iꞌdaasenyi Yeesso wihi us ilaabe, “ꞌDii a geeddaas one.” Yeesso la et nabah ꞌdaare, samaache.

Luuka 8:44

Yeesso ꞌdubiis leetimiyye, laddi kabuuꞌdiis ꞌdaarte, chirraas on diiggi ꞌdulo tolossate.

Mattaayo 14:36

Hawwaasteene, ꞌdee ꞌdooꞌdi khakkhannan laddi kabuuꞌdiis kalday laka a ꞌdaaro. Eti tuummane ꞌdaare la samaate.

Marko 6:55

Ilaas tuumman goya kooryeene, ꞌdooꞌdi khakkhannan siriiro kasoosiꞌdeene, inti Yeesso kijiro icho daageen ka igeecheen.