Marko 6:48 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁸ Saggi abattitiis khoꞌdoommeti kooban lakawoyo ka kooban downaan ileefaddo arge, a mehe hafare icho jeychaa. Geedda baryo kasoodowwaatte ka, Yeesso bey sarche kasohte, iirte, kakutin leheet.

Marko 6:48 Referans Kwoze

Luuka 24:28

Chirri icho goobi kootte icho isohtaan sooeleeleen ka, Yeesso etoo orey isohti iskayeele.

Luuka 12:38

Ilbooyyeta hamaadoo geeddohenye khabta chirri kamuricho naanokho ommos baryo afiche laka yimiyye, us ichohi iurꞌdine fiddiyo on sooeleele!

Yoohana 1:13

Nyaakhuta delmaatti sarti weeli enenyet ma kasoouummamine ommos wihi weeli enenyet gooche menye, ommos ꞌdooninti mejel mee. Iꞌdaasenyi Waakh rubeytiissa nyaakhutiis kayeesse.

Mattaayo 14:24

Iꞌdaasenyi kooban bey goyaka geeddoo a sohteen, ire la kooban kolba ankoo iguꞌdubta. A mehe hafare icho jeychaa.

Mattaayo 24:43

Iꞌdaasenyi waha abda. Chirri ooyohi min leh sahaꞌddi ibeen eti hatto leh yamiit garti, ma urꞌdo miinkiis ma ꞌdiicho ma lajebcho.

Marko 6:47

Chirri il gelebnowe ka, kooban bey ukkuricheeda raahaane, Yeesso la keley on meessi kootteet kijira.

Marko 6:49

Iꞌdaasenyi chirri iche usuhi bey sarche kasohti agarte ka, meleyka koogtahe, riirte.

Marko 13:35

“Maantaka toorribda, a mehe sahaꞌddi ooyohi goob leh soonokhti ma garattaanee. Usu geleb ommos naanokho ommos geeddi lukki kariiro ommos baryo yamiit ma garattaan.