Marko 6:37 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁷ Iꞌdaasenyi wihi us ilaabe, “Atin rubeytiin wohoo icho yamhiin siicha.” Icho la wihi icho iyidaaheen, “Rumanka wahaas chilimmeti eti hay siyyeet hil haaggiche laguto khaataan! Nahi chilimmeti geeddaase golol ganno wihi icho yamhiin siinno ꞌdoonta?

Marko 6:37 Referans Kwoze

Luuka 9:13

Wihi us ilaabe, “Atin rubeytiin wohoo icho yamhiin siicha.” Wihi iche ilaabte, “Wihi nah khabno a makaate chan ichoow bahag lamma kalday on. Chiꞌ nah iranni nah ꞌdooꞌda tuumman golol isooganno on menye.”

Mattaayo 14:16

Yeesso la wihi us ilaabe, “Walah icho kanokhtaan mele. Atin rubeytiin wohoo icho yamhiin siicha!”

Mattaayo 18:28

“Iꞌdaasenyi ilbooyaas uus bahe, ilbooyoo addane wahalhiisenye mogti chilimmeti eti orrah kudoo hil haaggiche laguto kakhabo ꞌhele, kur khabte, hude, ‘Toolla kofche mogteey soogut,’ iyidah.

Marko 6:36

ꞌDooꞌd laabe, a irti gosasha ka, ichoow goobassi soodow ka, wohoo icho yamhiin a soogatteen.”

Marko 6:38

“Makaate geeddoh khabtaan?” worsate, “Nyaama bal yeya,” iyidah. Chirri iche abatte ka, “Makaate chan ichoow bahag lamma jirta,” tidah.

Luuka 7:41

Yeesso la wihi us iyidah, “Reeroo lammee etoo kamurenye mog kakhabe. Etoo chilimmeti eti orrah kud chan hil haaggiche laguto iche kakhabe, ki addan la chilimmeti eti orrah tomon chan hil haaggiche laguto iche kakhabe.