Marko 6:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ Chirri beyti Gaalilaaya afiche ka Yeesso kooban kasooyage ka, urura buure arge. Weyti uur inugleeste, a mehe ꞌdooꞌdaas a iꞌdi iiyti ersim laa. ꞌDeerka wihi ittaawenye Waakh miinsan abinnaan sookhabte.

Marko 6:34 Referans Kwoze

Mattaayo 9:36

Chirri us urur arge ka, weyti uur inugleeste, a mehe iꞌdi iiyti ersim ikhabin u, a waꞌdwaaꞌdaane, toro la et gargaaro mele.

Luuka 9:11

Iꞌdaasenyi ururre kasse, ꞌdubiis leetimiy. Ulla soodowweeste toro wori dakhi Waakh miinsan icheeke, ꞌdooꞌdi khakkhannan laka samaache.

Ibiraaniya 4:15

Kuhaaniheenka weyti ween la ꞌdabakkheen tuumman a isoonaha. Iꞌdi tahe sagag tuumman ka saggi kajmeti uskeel inno kaluguꞌddo inno liikakajo on usu laka liikaje, iꞌdaasenyi uskeeloo rucchul laka ma gelin.

Mattaayo 14:14

Chirri beyti Gaalilaaya afiche ka Yeesso kooban kasooyage ka, urura buure arge, weyti uur inugleeste, toro ꞌdooꞌdichoki khakkhannan laka samaache.

Ibiraaniya 2:17

Jeentetaas u sagag tuumman ka iꞌdi ꞌdooꞌdi uuriisenye yitahye, kuhaanihi weyti weene hili Waakh ka lakakhuufo toro uur nugul yitah. Ulla toro iꞌdane yeele, ꞌdee soorriyoti holi Waakh laabto bahcha, ꞌdee Waakh uskeeli weeli enenyet kakuta.

Mattaayo 15:32

Yeesso abattitiis wahe, wihi us iyidah, “An ꞌdooꞌda weyti uur isoonugleesda. Maan seyyah dakkhan ani on ileejire, wihi icho yamhiin la ma khabaan. Anihi ankaa khabaani laabo ma ꞌdoono. A mehe a geeddi icho jit ka sussuuhaan.”

Marko 6:33

Iꞌdaasenyi enenyeti buure maanti iche kahto arge, toro la eti icho yahiin garte. ꞌDooꞌd la ilkerengeeto tuumman kasoobahe, luhlo on ka inti Yeesso illeh isohtaan ioryeene, geeddi kooban yomboochaan meel eleeleen.

Marko 6:35

Geedda ka il a ibeennowe, abattitiis itimiyye, mehe itidah ya, “Il kola a ibeennowe, inta la a yib alah.

Marko 8:1

Ibeennetaas on ururoo buure toro kulme, golol la ma khabin. Yeesso abattitiis wahe wihi us iyidah,

Marko 8:2

“An ꞌdooꞌda weyti uur isoonugleesda. Maan seyyah dakkhan ani on ileejire wihi icho yamhiin la ma khabaan.