Marko 6:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Saahka maane soomarte, ti ꞌHeroodiya ꞌdoonte, a maalinki goorat ꞌHerood dessee. ꞌHerood ꞌdooꞌdi sirgaaliis ka ichoow kiyatiis ka wewween, ichoow kamurreti Gaalilaaya magah khabto soowahe, sukuuku bahche.

Marko 6:21 Referans Kwoze

Bakkaahit 11:10

Weeli enenyete harra kijiro tuumman la omootti ꞌdooꞌda lammee weyti kahamaada, siimohi icho isiergaan ka sukuuku bahchaan. Iꞌdi tahe ꞌdooꞌda lammeenye Waákh íyeyyeedo ꞌdooꞌdi harra kijiro tuumman weyti bolokh ikeene.

1 Beetero 4:3

Goorat ꞌhor jiroti atin jirteen ka wihi ꞌdooꞌdi Waakh igaran yeelo goosseene geeddi deer yeesseen. Wihi atin yeesseen a iꞌdi maanta sohoꞌddarri ichoow suujoonki liimoono ichoow meleefu. Wihi addan a daawohi biꞌdirenye enenyet sohoꞌddarri kalugꞌdo ichoow wahnaanki suujenye iyookkoyyohi waakkhakh lakayeessi lawahti.

Luuka 3:1

Waakh saahka ínam Sakkariiyaki Yoohana layadeeh hidaad ka wori us ꞌdooꞌd icheeko siiche. Maantaas la Kaaysarhi Tibeeriyas layadeehe guꞌh tomon ichoow chan karnati ili Rooma tuumman eheet. Boontiyo Bilaato la gaafanahi boroofenhi Yaꞌhuudiya eheete, ꞌHerood Antiiba la boroofenhi Gaalilaaya itoolla, walaaliiski Fiilif layadeeh la boroofenhi Itureeya ichoow Tirakoniiti itoolla, Laysaniyas la usú boroofenhi Abileen itoolla.

Hilassi Ergaano 25:23

Ibeenki kaas sooraaho ka Agiribba ichoow Beernike ba intaas yimaateene, enenyet tuumman la gulguubsate inkaanyit tuse. Icho ichoow ꞌdooꞌdi iskar tuumman iween ichoow ꞌdooꞌdi ilkerengeet ka magah khabo tuumman minki ballaaddane yeedad lakadagansati geleen. Amuri Feestas bahche ka, Baawulo lasookhaate.