Marko 5:35 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁵ Yeesso yeedaas af kakhabaayi, ꞌdooꞌdoo goob Yaayirohi minki weysiit itoollo kayimiyye wihi icho iyidaaheen, “Weel a massate. A iꞌdoh uliba eti ween immarah sina ikawaarissa?”

Marko 5:35 Referans Kwoze

Luuka 8:49

Yeesso yeedaas af kakhabaayi, etoo goob Yaayirohi minki weysiite Yaꞌhuud itoollo kayimiyye wihi us yidah, “Weel a massate, eti ween immarah sina akawaarin.”

Yoohana 11:39

Yeesso wihi us yidah, “Daddaab bahcha.” Iꞌdaasenyi Maartati Laassarohi yumuy leedelatte wihi iche tidah, “Kamur, kola a nuuhe, ibeen affar kutte lahawwaalee.”

Yoohana 11:28

Inkoo Maarta waha tidah ka, nokhatte, walaassicheti Maariya layadeeh ꞌdol iwahte wihi iche itidah, “Eti Ween kallaaye, ati laka a kiwaha.”

Yoohana 5:25

Rume atin icheeka, ibeen a yateehe kola la a yitah, ibeenki ꞌdooꞌdi tuume hooyi Weeli Waakh daago. Eti tuummane daage la, jiroti jirtuu imassanne ꞌhela.

Marko 10:17

Chirra Yeesso abattitiis khabaayi bahe ka, etoo sooyiriyye, ortiis ka jilbo il kaguꞌdde, wihi us worsate, “Eti weene haaggan, mehe yeelo ꞌdee jiroti jirtuu imassan ꞌhela?”

Marko 5:22

ꞌDeerka etoo ꞌdooꞌdi minassi weysiite Yaꞌhuud itoollo kichokoowenye Yaayiro layadeeh intaas yimiy. Yeesso arge, luhlohiis kakufe,

Yoohana 11:32

Maariya inti Yeesso kajire sooeleesse, uus iche Yeesso agarte ka, luhlohiis ka jilbo il kaguꞌdubte, wihi iche tidah, “Kamur, kootte at inta kajirte ka, walaaleey ma yamuut.”

Yoohana 11:25

Yeesso la wihi us iyidah, “Ani enenyet omoot kasookahcha, toro jiro siicha. Eti tuummane ani irummeeste, chirri us yumuy laka jiro a ꞌhela.

Yoohana 11:21

Maarta wihi iche Yeesso itidah, “Kamur, kootte at inta kajirte ka, walaaleey ma yamuut!

Mattaayo 26:18

Wihi us ilaabe, “Nyaama, ilkerengeet gela, etoo iirda wihi atin itadeehiin, ‘Eti Ween mehe essa ya, ibeenki ani liigooche a soodowwaate. Abattiteey khabaayi, minkaahha daawti Baasakka kagella.’ ”

Mattaayo 9:18

Yeesso urur leeyyeedaayi, etoo minki weysiite Yaꞌhuud iween yimiyye, ortiis ka jilbo il kaguꞌdde wahte wihi us yidah, “Inanteey toolla dow on bujje, iꞌdaasenyi kaale dahantaah kaꞌdaare, ꞌdee jiro a ꞌhesso.”

Mattaayo 26:10

Yeesso la wihi icho essaan a garta, wihi us iyidah, “A iꞌdoh makhaabassa imalalissaan? Wihi iche iyeesse a haaggi weyti buure.