Marko 5:24 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁴ Yeesso ꞌdeerka makhaábal raahe. Enenyeti buure laka raahe, ꞌdollohiis tuumman ka enenyet a ishude.

Marko 5:24 Referans Kwoze

Marko 5:31

Abattitiis la wihi iche ilaabte “At saggi ꞌdooꞌd isisootakho a agarta, iꞌdaasenyi ‘Ayyo iꞌdaare?’ worsatta.”

Luuka 7:6

Yeesso ꞌdeerka ewween raahe. Chirri us minki eti koobbinti iskareet itoollo idowwaate ka, etaas aalassiiskoo Yeesso or kasoodowche, wihi us iyidah, “Kamur, sina iiskawaarin, a mehe minkeeyki at tamiit ma muꞌdan.

Marko 3:20

Yomboka Yeesso minki us fiddiyo isoonokhte, urur la buuraate, ichoowka usu ichoow abattitiis saggi icho igolossataan laka waayeen.

Hilassi Ergaano 10:38

Saggi Waakh Yeessohi Naasaret Rubeyti Munyee ichoow miig isiiche a garattaan. Jeenteti Waakh ileejiruu us meel tuummane irte, wihi haaggan yeele, ꞌdooꞌdi Seytaan sina kawaaricho samaache.

Luuka 19:3

Ulla usuhi Yeesso argo ꞌdoona. Iꞌdaasenyi sag us Yeesso iargo mele iꞌdi tahe us weyti konkoommanyahe, urur la weyti buur eheneet.

Luuka 12:1

Geeddaka urur buuraate, aliffe laka kute ichoowka ꞌdooꞌd iskharꞌdabte. Yeesso koloo abattitiis leeyeede wihi us iyidah, “Yeedad Farissaayo ki iꞌdi booddati makaate fuurissee yuubsada. Wihi icho essaan tuumman ka a iskaayyeelaane suujoon taaꞌhichaan.

Luuka 8:45

Yeesso wihi us worsate, “Ayyo iꞌdaare?” Chiꞌicho tuumman ꞌdiiꞌdeen ka, Beetero wihi us yidah, “Eti ween, ꞌdooꞌd ꞌdollohaah tuumman ka a issootakha, ishude.”

Luuka 8:42

Iꞌdi tahe inanti kaldaye us khabo, guꞌh tomon ichoow lamma khabto, iche omoottan. Geeddi Yeesso sohti la ꞌdooꞌd ꞌdollohiis tuumman ka a ishude.

Marko 5:23

hawwaaste, “Inanteeyti rucchul a omoot. A kihawwaasde, kaale dahan kaꞌdaare, ꞌdee a samaatti jiro a ꞌhesso,” iyidah.

Marko 5:25

Ururaas goyaka la makhaabassoo khannane guꞌh tomon ichoow lamma ba hugunkiche tolossawwaaye, diig on ꞌdulo a jirta.

Luuka 11:29

Geedda urur buuraati Yeesso wihi us yidah, “ꞌDooꞌdi iꞌdee a ꞌdooꞌdi uskeel leh! Icho wahanyeyyohi miigti Waakh tuso daahaan. Iꞌdaasenyi wihi goorat Waakh Yoona ka enenyet tuse on menye, walah addane lasiicho mele.