Marko 5:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ hawwaaste, “Inanteeyti rucchul a omoot. A kihawwaasde, kaale dahan kaꞌdaare, ꞌdee a samaatti jiro a ꞌhesso,” iyidah.

Marko 5:23 Referans Kwoze

Luuka 13:13

Ulla dahantiis makhaabassaas korche, iche la chirraas on fit tolossatte, Waakh koolisse.

Luuka 4:40

Chirra orrahe dihto, ꞌdooꞌdi khakkhannane sugeerreti yeerare khabo tuumman Yeesso liikeene. Yeesso la kooba dahano korche samaache.

Marko 16:18

Toof laka dahan a kakhabta, toro chuꞌus hadaadohi uskul yabhuub laka ma gaameeraan iꞌdaaru laka. ꞌDooꞌdi khakkhannan dahano on korcha, ꞌdooꞌd samaata.”

Hilassi Ergaano 28:8

Aabba Baabiliyos la a maya, adahe kabahta sare a kuleele a jiifa. Baawulo la min gele usu argaa, dahan korche iweeste samaache.

Luuka 4:38

Yeesso minki weysiit kabahe min Siimon irte. Seyyoh Siimon la sare weyti kululaatta, Yeesso gargaar daaheen.

Marko 8:23

Yeesso et dahan khabte, ilkerengeet khariche geeche. Et indo katufe, dahan korche, “Wohoo a agarta?” worsate.

Marko 7:32

Etoo dogo laaye yeyyeed leeꞌhoolyahe liikeene, enenyet tuumman Yeesso hawwaaste, ꞌdee dahan a korcho a samaacho.

Luuka 7:12

Chirri us aritti ilkerengeeteet sooeleele ka, inanki kaldaye makhaabassoo muunkhee leetehe usuhi buje hawwaal liisiꞌdo kasooyegeen. Ururi buurenye ilkerengeet kayimiy la iche a leejire.

Marko 6:13

Ginnayyohi ittaawe enenyet goya kabihisse, ꞌdooꞌdi ittaawenye khakkhannan laka subakki geeyi oolif ka matah subahte, samaasse.

Mattaayo 8:3

Yeesso dahan ooge, et ꞌdaare, wihi us iyidah, “A ꞌdoona, biꞌdir bah!” Chirraas on buꞌdati kootte et sar kasoofoofte baabaate, et samaate.

Hilassi Ergaano 9:17

Anaaniya ꞌdeerka irte minki Saawulo kajiro gele. Anaaniya la dahano korche, “Saawulo, walaalaaw, Yeessohi Kamurenye jit ka atihi inta isoosohatti kisoobahe iche isooergate, ꞌdee il agarta toro Rubeyti Munyee kibuuhissa,” iyidah.

Hilassi Ergaano 6:6

ꞌDooꞌda ergaano liikeene iche la iweysatte, toro la dahano korisse.

Yoohana 11:3

Albeha isleedesse, Yeesso farniin iꞌdiiche, “Kamur, aalaahki at weyti ꞌdoonto a khannanyahe,” iyidah.

Marko 5:24

Yeesso ꞌdeerka makhaábal raahe. Enenyeti buure laka raahe, ꞌdollohiis tuumman ka enenyet a ishude.

Hilassi Ergaano 8:17

ꞌDeerka Beetero ichoow Yoohana ba dahano korcheene, ꞌdooꞌd la Rubeyti Munyee ꞌhele.

Hilassi Ergaano 9:12

Usu fooltabcho ka etoo Anaaniya layadeehe yimiyye usu dahan korche ꞌdee ulla il iargo a arge.”