Marko 4:35 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁵ Maalinkaas geleb ka, Yeesso abattitiis, “Beyta Gaalilaaya maahno, aficheki ꞌdiri a iranni,” iyidah.

Marko 4:35 Referans Kwoze

Mattaayo 8:18

Chirri Yeesso ururi khaariche arge ka abattitiis amur ibahche, beyti Gaalilaaya aficheki ꞌdiri a imaaheen.

Luuka 8:25

Yeesso la wihi us abattitiis worsate, “Atin uliba ma ikakhuuftaan a?” Abatti roorro gesse toro girmeysatte, wihi iche isworsatte, “Eta a ayyo? Hafar ichoow bicche laka amur on ibahcha, icho la yeediis daagaan.”

Luuka 8:22

Maantoo Yeesso abattitiis wihi us iyidah, “Beyta Gaalilaaya maahno aficheki ꞌdiri a iranni.” ꞌDeerka koobanhoo koreene irteen.

Mattaayo 14:22

Yeesso chirraas on abattitiis kooban gesse, ꞌdee ortiis bey aficheki ꞌdiri a iratti geeddi us urur kahcho.

Marko 8:13

ꞌDeerka Yeesso Farissaayo katabe, kooban goya inokhte, beyti Gaalilaaya aficheki ꞌdiri irte.

Yoohana 6:25

Inkoo ꞌdooꞌd bey aficheki ꞌdiri ka Yeesso ꞌhele ka, wihi icho usu worsateen, “Eti ween, at chirroh inta timiy?”

Yoohana 6:17

Intaas ka kooban goya gesse bey aficheki ꞌdiri imaahte, ilkerengeetti Kafarnaaꞌhume isohtaanee. Sohtaani, il ibeennowe. Yeesso la uliba abatti ma isoonokhan.

Yoohana 6:1

Waha ꞌdubicho ka, Yeesso abattitiis khabaayi Beyti Buurenye Gaalilaaya, magahichekoo addan Beyti Buurenye Tibeeriya layadeeh, aficheki ꞌdiri imaahe.

Marko 6:45

Yeesso chirraas on abattitiis kooban gesse, geeddi us urur kahcho, iche la ortiis inti beyti Gaalilaaya afichekuusenye Bessaayda layadeehe iratta.

Marko 5:21

Inkoo Yeesso kooban ka toro bey afichekuus imaahe ka, bey hagga kijiraayi ururi buure kasoourure.