Marko 4:25 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁵ Eti tuummane wihi dahan lagesse mujjum woywoye a liikakhaya. Iꞌdaasenyi eti wihi dahan lagesse mujjum iwoywoyin, wihi us khabo laka a lakakhaata.”

Marko 4:25 Referans Kwoze

Mattaayo 13:12

Eti tuummane wihi dahan lagesse mujjum woywoye a liikakhaya ichoowka wihi us khabo buuraataan. Iꞌdaasenyi eti wihi dahan lagesse mujjum iwoywoyin, wihi us khabo laka a lakakhaata.

Luuka 8:18

Maantaka wihi atin liidowo mujjum daaga giꞌde. Eti tuummane wihi dahan lagesse mujjum woywoye a liikakhaya. Iꞌdaasenyi eti wihi dahan lagesse mujjum iwoywoyin, wihi us kol us khabo koogyahe laka a lakakhaata.”

Yoohana 15:2

Aabbaheey la eti tuummane iꞌdi liikhimeet u ani ikatoollo gurnaan idelin, a goocha. Eti tuummane iꞌdi liikhimeet u gurnaan delo la, Aabbaheey mujjume yeela, ꞌdee gurnaanki buure bahcha.

Marko 4:26

Yeesso toro imammahte, wihi us iyidah, “Mammahtoo addane dakhi Waakh cheekto talla. Etoo ilmohi golole il gessa, kataba.