Marko 4:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ ꞌDooꞌd gaasoo a iꞌdi ilmohi jit lakachibe. Waha a inti Yeedi Waakh lakataaꞌhicho. Uus icho Yeedi Waakh daagaan, Seytaan chirraas on yamiite, yeedaas icho daageen kakhaata.

Marko 4:15 Referans Kwoze

1 Beetero 5:8

Taba isjeycha toro la mujjum toorribda! Seytaanki chiiytankiine iꞌdi bahassihi yeeduu a ismara, eti us bar tiro yowtaa.

Mattaayo 13:19

Chiꞌ etoo wori dakhi Waakh miinsan daago toro la wihiis iaban, Seytaanki uskeel leh a yamiite, woraas icho daageen uurassicho kabahcha. Waha a ilmohi jit lakachibo.

2 Koriinto 2:11

Anna iꞌdane yeela uus ꞌdee Seytaan inno kahataatinee. Iꞌdi tahe inno luhti Seytaan tuumman weyti garanna.

Luuka 8:12

Ilmohi jit lakachibe a ꞌdooꞌdi Yeedi Waakh daago, Seytaan la yamiite yeedaas uuricho kabahcho, saggoo ꞌdee icho yeedaas irummeysanne, Waakh iribin yeelo.

Marko 4:4

Ilmoha us taaꞌhicho, gaasoo jit goya kadiheene, chimbiro la yimaateene, yumheen.

Hilassi Ergaano 5:3

Beetero la mehe iyidah ya, “Anaaniya, saggoh Seytaan uuraah ibuuhiche, ichoowka Rubeyti Munyee been ikagoosse, chilimmeti gosaah bahe gaasoo ilaabatte?

Bakkaahit 20:10

Seytaanki ꞌdooꞌda ekkeeste la beyti ꞌdabe iꞌdi lahawti kibiriiꞌd ibolokhto binahi oraat ichoow eti eti Waákh íyeyyeedo iskaayyeelo lakalugꞌde usu laka goya liiseye. Icho la jirtuu tuumman, maalim ichoow ibeen ba, bolokhe latusa.

Bakkaahit 20:7

Inkoo guꞌhassa alifoowe kuteen, Seytaan inti goorat us kahidanyahe ka a lasoofura,

Ibiraaniya 2:1

Maantaka, jeenteti wihi Waakh yeeluu, runta inno daagne weyti mujjum khabanni giꞌde, uus inno inti inno isoohanni bujine.

2 'Dessaloonika 2:9

Emeetti eta amurre tuumman ꞌdiiꞌddan ichoow hili Seytaan haaggicho a israahaan. Wihi beenaate us enenyet tuso a waha, wihi ittaawenye weeli enenyet yeelin iubaaꞌdan ichoow wahanyeyyohi miigti Waakh tuso ichoow girmo.

Mattaayo 22:5

“Iꞌdaasenyi icho wahaas nabah ma isudine, ebba hiliissa on gele. Koo gosiis goya irte, koo la meessi us koororsati irte.

Bakkaahit 12:9

Khorojebsiha buure il liisooseye, ulla a ki goorat archiiy jire, magahiis la ki ꞌdooꞌd hanti ommos Seytaan iche layadeeh. Usu ꞌdooꞌdi harra tuummane jit buucha. Ulla hertiis khabaayi harra liisooseye.

Mattaayo 4:10

Yeesso wihi us iyidah, “Seytaan, nyaam ikatab! A mehe wihi chiiran, ‘Kamuri Waakkhaahe waho toro la usu kalday on ihil.’  ”

Ibiraaniya 12:16

Uus etiinkoo kalday laka sohoꞌddarri kaassohanne, ommos iꞌdi Essaawohi Waakh inkaanyitiwwaaye itaahan. Ulla jeenteti gololi koloo kalday on ka, antohiiski teyyannoon ororiche.

Hilassi Ergaano 17:32

Chirri icho Baawulohi omootti lakasookaho kaayyeedo daageen ka, gaasoo kachaarteene, iꞌdaasenyi gaasoo “Atihi waha inokhatti kayeyyeeddo iche daagin ꞌdoonna,” iyidaaheen.

Marko 4:14

Etaas gos khabo, a eti Yeedi Waakh taaꞌhicho.

Marko 4:16

ꞌDooꞌd gaasoo la, a iꞌdi ilmohi ilassi ngꞌaajjeenye harrati rucchul khabto lakachibe. Yeedi Waakh uun icho daagaan, hamaadi buure ka khaattaan.