Marko 3:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Yeesso ichoow abattitiis ba intaas katabeene, beyti Gaalilaaya afiche irteene, ꞌdooꞌdi ittaawenye boroofenhi Gaalilaaya kayimiy la raahe.

Marko 3:7 Referans Kwoze

Luuka 6:17

Ulla ergaanotiis khabaayi bur kasookhubte ꞌdowhoo tolossate. Ururi buurenye abattitiise ichoow ꞌdooꞌdi ittaawenye boroofenhi Yaꞌhuudiya ichoow ilkerengeetti weene Yeerusaleem ichoow ilkerengeetohi rurrucchule beyti buure afiche yaalle iꞌdi maanta Tiiro ichoow Siidon illehe laka, intaas a kijire.

Mattaayo 4:25

Ururreti buurenye boroofenhi Gaalilaaya ichoow Dekaabolis ichoow ilkerengeetti weene Yeerusaleem ichoow boroofenhi Yaꞌhuudiya ichoow hawti ꞌdusso Yoordan berihichee kayimiy Yeesso raahe.

Mattaayo 12:15

Yeesso saggi Farissaayo ogoos iyowatti garta, intaas katabe. Ururoo buure la raahe, Yeesso la ꞌdooꞌdichoki khakkhannan tuumman samaache.

Luuka 23:5

Iꞌdaasenyi weyti tirriinsateene wihi icho yidaaheen, “Ili Yaꞌhuudiya tuumman ka ꞌdooꞌde walah abcha, ichoowka enenyet seley fida. Wihi us ꞌdooꞌd abcho la boroofenhi Gaalilaaya kasookhabte ichoowka toolla inta yimiy.”

Luuka 6:12

Ibeennetaas kichekoo Yeesso bahe burroo kore, ibeenki nool Waakh wahte.

Marko 1:39

ꞌDeerka boroofenhi Gaalilaaya tuumman goya kasohte, Yeedi Waakh minassichoki weysiite Yaꞌhuud ka cheeke, ꞌdooꞌdi ginnayyo dakhtaan la ginnayyo kabahche.

Mattaayo 10:23

Chirri ilkerengeettoo ka sina atin loomhicho, ilkerengeettoo addan ifirda. Rume atin icheeka, geeddi atin hiliin ilkerengeetohi ili Issiraayel tuumman ka imassin, iche Ínam Aadam soonokhta.”

Hilassi Ergaano 17:14

ꞌDooꞌdi Kiriisto rummeeste chirraas on Baawulo khaate, beyti buure afiche eleeliche, iꞌdaasenyi Siila ichoow Timooti Beeroya fiddiyeen.

Hilassi Ergaano 17:10

Uus il ibeennowe ka ꞌdooꞌdi Kiriisto rummeeste Baawulo ichoow Siila ilkerengeetti Beeroya ierge. Chirri icho Beeroya geleen ka minki weysiite Yaꞌhuud irteen.

Yoohana 7:52

Wihi icho ilaabeen, “Ati laka boroofenhi Gaalilaaya katimiy? Bal Chiirnaanneti Waakh goya tabe, ꞌdee saggi ꞌdooꞌdi Waákh íyeyyeedo koo kalday laka injire boroofenhi Gaalilaaya ikiimaatan abo.”

Yoohana 7:41

Gaasoo la mehe essaan ya, “Usu a Ki Lasubhe.” Iꞌdaasenyi gaasoo mehe worsateen ya, “Ki Lasubhe saggoh boroofenhi Gaalilaaya ikayamiit?

Mattaayo 12:16

Ulla ꞌdooꞌd tootooche, uus icho eti us yahe cheekin.

Marko 1:45

Iꞌdaasenyi etaas irte, enenyet tuumman yeedaas icheeke, woraas taaꞌhiche. Yeesso saahka jeentetaas u chiꞌ laargo ilkerengeet gelin ma yabuuꞌd, iꞌdaasenyi hidaad on fiddiya. Eheetteey laka, enenyet Yeesso ma ꞌdiicho, ꞌdollo tuumman ka a iyamiit on.

Marko 3:20

Yomboka Yeesso minki us fiddiyo isoonokhte, urur la buuraate, ichoowka usu ichoow abattitiis saggi icho igolossataan laka waayeen.

Marko 4:1

Yeesso toro beyti Gaalilaaya afiche ka, Wori Haaggan enenyet abche. Jeenteti ururi weyti buure iyimiy u, Yeesso koobanhoo goya koorronte, enenyet la bey afiche khaariche, dagansate.