Marko 3:29 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁹ Iꞌdaasenyi eti Rubeyti Munyee igafe, jirtuu uskeeliis ma liikakuto. Uskeeli uꞌ gele, a ki jirtuu laka imassan.”

Marko 3:29 Referans Kwoze

Luuka 12:10

Eti tuummane Ínam Aadam igafe a geeddi uskeeliis liikakuto. Iꞌdaasenyi eti Rubeyti Munyee igafe, uskeelaas ma liikakuto.

2 'Dessaloonika 1:9

Icho la sirbiti lagesso a ti icho jirtuu tuumman labaabiicho, toro la fooli Kamur ichoow miigti weynaantiis labuucho.

Yuuda 1:13

Lakhaanyoti icho gelaan la a iꞌdi hamboti weyti buurenye chaafo khabto beyti buure ka hafari buurenye irti uskul kahcho sookhaatto. Icho a iꞌdi yiyyihimohi baabe Kamur mugꞌdihi reebenye armaanjireen meel igesso.

Marko 12:40

ꞌDooꞌda muunkhoyyo ekkeesta, hoolahicho kakhaataan. Chiꞌiche weysatti la, enenyeti haaggane iskaayyeessa, weysi derdeeraassa. ꞌDooꞌda Waakh sinati weyti kutto igoocha.”

Mattaayo 25:46

“ꞌDeerka ꞌdabi armaanjireene goya irtaane, iꞌdaasenyi ki fiffissan jiroti jirtuu imassanne ꞌhela.”

Yuuda 1:7

Iꞌdaas on u ꞌdooꞌdi ilkerengeetti Soodom ichoow ki ilkerengeetti Goomorah ichoow ilkerengeetohi addane isoodow ba jiroti iꞌdi ti hertaasenye jireen. Icho laka sohoꞌddarri ichoow jiti mejel ichoow deyyeho ba isleeurꞌdaan a kheeroocheen. ꞌDooꞌdaas la iyookkoti ꞌdooꞌdi berri ꞌdabi jirtuu ijitin ka sina latuso yitaaheen.

Mattaayo 9:3

Tagaammetoo amurre uus iche waha daagte ka wihi icho uurassicho ka esseen, “Eta a gafe.”

Marko 3:30

Wihi us ꞌdooꞌdaas iꞌdaas ikayidah, a jeenteti icho “Usu ginna dakhatta!” iessaan.