Marko 3:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Tagaammeti amurre la ilkerengeetti weene Yeerusaleeme katimiyye, mehe elatta ya, “Beelsebuule dakhta alah! Miigti karnati ginnayyoote enenyet ginna kabahcha.”

Marko 3:22 Referans Kwoze

Mattaayo 15:1

Saahka Farissaayotoo ichoow tagaammetoo amurre ilkerengeetti weene Yeerusaleem katimiyye, Yeesso itimiyye wihi iche worsatte,

Mattaayo 10:25

Abatti etiiski walah abcho ibaha, ilbooy la kamuriissa ibaha. Chirri ooyohi min leh ba, Beelsebuul lakawaho, ꞌdooꞌdi minkiis la geeddoo meheenye magahenyeti ꞌdaꞌddaran kawahaan?

Mattaayo 12:24

Iꞌdaasenyi Farissaayo chirri iche wahaas daagte ka, wihi iche tidah, “Miigti Beelsebuulhi karnati ginnayyoote kaldach on eta enenyet ginna kabahcha.”

Mattaayo 9:34

Iꞌdaasenyi Farissaayo wihi iche tidah, “Miigti karnati ginnayyoote enenyet ginna kabahcha.”

Yoohana 7:20

Urur chirraakka wihi us Yeesso ilaabe, “Ati ginna kidakhatta. Ayyo ogoos kimarma?”

Yoohana 8:52

Jeenteti waha u, ꞌdooꞌdi Yaꞌhuud wihi us yidah, “Ya! Toolla saggi rumanka ginna kidakhatti a abanne. Aburaaham a yumuyye, ꞌdooꞌdi tuummane Waákh íyeyyeedo laka a tuume. Iꞌdaasenyi at mehe elatta ya, eti tuummane wihi at abisso raaho jirtuu ma yamuut.

Yoohana 8:48

ꞌDooꞌdi Yaꞌhuud wihi us Yeesso ilaabe, “Chirri nah, ‘At a yaafohi biꞌdirenye Saamariya toro la ginna kidakhatta,’ kinidah, nah ma eysiinna?”

Luuka 11:15

Iꞌdaasenyi gaasichokoo mehe yidaaheen ya, “Miigti Beelsebuulhi karnati ginnayyootenye enenyet ginna kabahcha.”

Marko 7:1

Farissaayotoo ichoow tagaammetoo amurre ilkerengeetti weene Yeerusaleem katimiyye, Yeesso khaarisse.

Mattaayo 11:18

A mehe maanti Yoohana yimiy, us afe hiite toro la farsotoo rucchule sabiib laka ma ubhaabane, ꞌdooꞌd la toro mehe yidah ya, ‘Usu alah ginna dakhatta.’

Yoohana 10:22

Maantaas la Daawti Maanti Minki Waakhe Buure Ladikhe lakasooꞌhelo ilkerengeetti weene Yeerusaleeme lakagele. Yeesso laka ꞌdeerka ilkerengeetti weene Yeerusaleem irte. Maantaas la a hayohi il roffo yahe.

Luuka 5:17

Maantooka Yeesso Yeedi Waakhe ꞌdooꞌd abcha, Farissaayotoo ichoow tagaammeti amurre la intaase fiddiyaan. ꞌDooꞌda la goobassi Gaalilaaya ichoow Yaꞌhuudiya ichoow ilkerengeetti weene Yeerusaleeme kayimaateen. Kamur la Yeesso miigti us ꞌdooꞌdi khakkhannan kasamaacho a siiche.