Marko 2:20 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁰ Iꞌdaasenyi maane a tamiit, ti ꞌdooꞌd eti min disti lakakhaato. Maantaase ꞌdee ꞌdooꞌd af hiita.”

Marko 2:20 Referans Kwoze

Luuka 17:22

Wihi us abattitiis iyidah, “Ibeen a yamiit ki atin Ínam Aadamhi soonokhti harra dakhti imoontaan argin ꞌdoontaan, iꞌdaasenyi argin ma tabuuꞌdiin.

Bakkaahit 21:9

Herti Waakhe teebeenye baakhuulleti teebeenye sinayyohi yomboot buuhaan khabte kichekoo yimiyye ileeyeede wihi us iyidah, “Kaale, nyarnyaar a kituso, iche a makhaabassi Heleem.”

Bakkaahit 19:7

Weyti hamaano, weynaantiis koolinno! Iꞌdi tahe oroosi Heleem a yitah. Inantiisti us disti la a istannabisse.

2 Koriinto 11:27

An weyti hol dowe, sinayyo laka iyumheene, ibeenneti ittaawe urꞌdumme laka waaye, raarahde, subgaade, kolassi ittaawe golol laan fiddiye. A roffoode toro gaaddi iyaakhto laka waaye.

2 Koriinto 11:2

A mehe an inaafi Waakh kayamiite atin ikhaba. A mehe iꞌdi inanti laalkumuu an etoo a atin siiche, kaas la a Kiriisto. Iꞌda ka iꞌdi inanti ladisti miꞌdab itahuu Kiriisto atin ikeena.

1 Koriinto 7:5

Maantaka sammata atin koloo isikadaagin on menye, lammatiin isleeurꞌdin iistiranna. Chaꞌatin istirattaan la, geeddoo on istirda ꞌdee weysi kalday gela. Yomboka ꞌdeerka isisoonokhda, uus Seytaan jeenteti atin isjeyin iubaaꞌdan u kajmeti uskeel atin kaluguꞌddo atin ikeenine.

Hilassi Ergaano 14:23

Baawulo ichoow Barnaba urur Kiriisto ewweenkoo woyo isoobahcheene, ꞌdooꞌdi Kiriisto rummeeste iweynaacheen. Af hiiteene ꞌdooꞌdaas Kamuri icho kakhuufaan iwaheene, dahantiis gesseen.

Hilassi Ergaano 3:21

Iꞌdi goorat archiiy Waakh ꞌdooꞌdiiski munyeenye usú íyeyyeedo ka cheekuu, wihi Waakh gooche, Yeesso goobi Waakhe fiddiya ichoowka ibeenki Waakh walah tuumman husubnaacho yateeh.

Hilassi Ergaano 1:9

Inkoo us yeedaas yidah ka, iche ꞌdeyꞌdoossaayi, Yeesso serey liikorche, mirisoo la icho kadagche.

Yoohana 17:13

“Anna inti at kajirto amiit. Iꞌdaasenyi waha geeddi an harrata kajiro adeehe, ꞌdee saggi an ihamaado, icho laka hamaad rubeyohicho goya buuhicha.

Yoohana 17:11

An kola harra ma kasoojiro, iꞌdaasenyi icho uliba harra kajiraan. Aabbaheeyki munyee, miigti magahaahki at isiisse ka, magahaas ka bariiso, ꞌdee iꞌdi ani ichoow ati ba wohoo kalday inahuu, icho tuumman wohoo kalday a yitaaheen.

Yoohana 16:28

An Aabbahaaya kiimiyye, harrata imiy, toro la harrata a kataba, Aabbaheey inokhda.”

Yoohana 16:7

Iꞌdaasenyi rume atin icheeka, katabnaanki an atin katabo, a iroonotiinna. Iꞌdi tahe chirri an iiran, Rubeyti Munyeenye, ꞌDooggargaarto layadeeh, ma atin itamiit. Iꞌdaasenyi chirri an irde a atin isooerga.

Yoohana 13:33

“Nyaakhutaaw, an kola geeddoo rucchul on atin leefiddiya. Atin a iyowattaane, iꞌdaasenyi iꞌdi goorat an yaafohi Yaꞌhuud iidah u, inti an irdi emeet ma tabuuꞌdiin.

Yoohana 3:29

Mindischo ka, eti min disti iche iname makhaabassiis tahe. Aali eti min disti la, chirra us hooyi eti min disti daago, iche hamaada. Annaka jeentetaase weyti ihamaada.

Mattaayo 26:31

Yeesso wihi us abatti iyidah, “Ibeenka goya rubeytiis, atin tuumman jeenteti wihi liiyeeluu, a ikafiriddaan, a mehe wihi chiiran, “ ‘An ersime guꞌdda, woyhi iiyyaat la seley baaba.’

2 Koriinto 6:5

A nah lajahe, jeela nah lagesse, ururi il baabiicho nah jahe, hili weyti buure haagginne, urꞌdumme waayne, ankaane.

Yoohana 12:8

Miskiin kol dakkhan goytiinna kakhabtaane, iꞌdaasenyi ani kol dakkhan ma ikhabtaan.”

Mattaayo 9:15

Yeesso wihi us ilaabe, “ꞌDooꞌdi mindischo yimiy ma ooyo geeddi eti min disti intaas kijiro menya? Maane a tamiit ti ꞌdooꞌd eti min disti lakakhaato, ꞌdeerka ꞌdooꞌd af hiiti.”

Marko 2:19

Yeesso wihi us ilaabe, “ꞌDooꞌdi mindischo yimiy af ma hiiti geeddi eti min disti intaas kijiro, menya? Geeddi eti min disti on leejiro af ma hiitaan.

Marko 2:21

Yeesso la yeed orey iwoye, wihi us yidah, “Et goonankoo dafareete husub gaaddiisti raagane kharradde kadaddabo mele. Chirri us iꞌda yeele, goonankaas husub a isinyaama gaaddi raagan la kharradiche orey isohta geeddi oraat laka kuta.

Luuka 5:35

Iꞌdaasenyi maane a tamiit, ti ꞌdooꞌd eti min disti lakakhaato. Maanassaase ꞌdee ꞌdooꞌd af hiita.”