Marko 2:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² ꞌDooꞌdi buure kulme, min goya inti lagelo lawaaye, min afafhiis ka laka meel lawaaye. Yeesso la Yeedi Waakhe ꞌdooꞌd icheeke.

Marko 2:2 Referans Kwoze

Marko 2:13

Yeesso toro beyti Gaalilaaya afiche irte, ururoo buure la intaas ka iyimiyye, ulla wori Waakh abche.

Marko 1:45

Iꞌdaasenyi etaas irte, enenyet tuumman yeedaas icheeke, woraas taaꞌhiche. Yeesso saahka jeentetaas u chiꞌ laargo ilkerengeet gelin ma yabuuꞌd, iꞌdaasenyi hidaad on fiddiya. Eheetteey laka, enenyet Yeesso ma ꞌdiicho, ꞌdollo tuumman ka a iyamiit on.

2 Timooti 4:2

Tab giꞌde tannabo Yeedi Waakh kolal dakkhan ꞌdooꞌd icheek. ꞌDooꞌd saggi us uskeel iyeele icheeke, leejaakh, toro uur miigooy. Geeddi at waha yeesso la weyti samacchaare, mujjum la enenyet walah abi.

Rooma 10:8

Kamalda bal, Chiirnaanneti Waakh mehe tadeeh? “Farniinki Waakh weyti atin idowyahe, furuurohiinna fuula, uurassiin goya la kajira.” Wahaas la a farniinki kakhuufnaanki Waakh lakakhuufo miinsane, nah enenyet icheekno.

Hilassi Ergaano 16:6

Jeenteti Rubeyti Munyee ichohi boroofenhi Aassiya Wori Haaggan kacheeko itirattuu, irteene ili Furiijiya ichoow Galaatiya dah kagoocheen.

Hilassi Ergaano 14:25

intaas ka ilkerengeetti Beerga ka Yeedi Waakh cheekeen. Ilkerengeetti Attaaliya ikhubteen.

Hilassi Ergaano 11:19

ꞌDooꞌd Kiriistoki lataaꞌhiche jeenteti sinayyohi ꞌdooꞌd loomhichuu inkoo Isiteefano layigis geeddi ili Foniikiya ichoow kurti bicche dahcho kajirto Kuuburo layadeeh ichoow ilkerengeetti Antiyookhiya irte. ꞌDooꞌdi yaafti Yaꞌhuud kalday Wori Haaggan icheekeen.

Hilassi Ergaano 8:25

Inkoo icho walah tuumman ꞌdooꞌd tuseene icho Yeedi Kamur cheekeen ka, ilkerengeetti weene Yeerusaleem inokhteene, goobassi ittaawenye ilkerengeetti Saamariya kijiro ka Wori Haaggan ꞌdooꞌd abcheen.

Luuka 12:1

Geeddaka urur buuraate, aliffe laka kute ichoowka ꞌdooꞌd iskharꞌdabte. Yeesso koloo abattitiis leeyeede wihi us iyidah, “Yeedad Farissaayo ki iꞌdi booddati makaate fuurissee yuubsada. Wihi icho essaan tuumman ka a iskaayyeelaane suujoon taaꞌhichaan.

Luuka 8:11

“Wihi mammahe miinsantahe kallaayo. Ilmo a Yeedi Waakh.

Luuka 8:1

Waha ꞌdubicho ka, Yeesso goobab ichoow ilkerengeeto dah kagooche, Wori Haaggane dakhi Waakh miinsan icheeke. Abattitiisti tomon ichoow lammee laka usu a leejirte.

Marko 1:37

Chirri icho ꞌheleen ka, wihi icho iyidaaheen, “Enenyet tuumman ati kiyowta.”

Marko 1:33

Ilkerengeet tuumman soobahte, min afiis buuhisse.

Marko 1:14

Inkoo Yoohana jeela lagesse ka, Yeesso boroofenhi Gaalilaaya irte. Intaas ka, Wori Haaggane Waakh kayimiy on cheeka.

Mattaayo 5:2

Yeesso ꞌdooꞌd walah abinnaan sookhabte.

Luuka 5:17

Maantooka Yeesso Yeedi Waakhe ꞌdooꞌd abcha, Farissaayotoo ichoow tagaammeti amurre la intaase fiddiyaan. ꞌDooꞌda la goobassi Gaalilaaya ichoow Yaꞌhuudiya ichoow ilkerengeetti weene Yeerusaleeme kayimaateen. Kamur la Yeesso miigti us ꞌdooꞌdi khakkhannan kasamaacho a siiche.

Marko 6:34

Chirri beyti Gaalilaaya afiche ka Yeesso kooban kasooyage ka, urura buure arge. Weyti uur inugleeste, a mehe ꞌdooꞌdaas a iꞌdi iiyti ersim laa. ꞌDeerka wihi ittaawenye Waakh miinsan abinnaan sookhabte.

Marko 2:1

Inkoo ibeennetoo kutte, Yeesso ilkerengeetohi Kafarnaaꞌhum isoonokhte. ꞌDooꞌd saggi us goob iyimiy daage.