Marko 2:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Toro orey isohte, etoo Laawi layadeehe koo Alfaayee arge. Laawi meessi kooddi lakagoocho goya fiddiya. Yeesso, “Isooraahe, abattiteey ateeh,” Laawi iyidahye, Laawi la kahe usu raahe.

Marko 2:14 Referans Kwoze

Luuka 6:15

Mattaayo, Toomas, Yaakoobohi inam Alfaayee, Siimonhi magahiis Yaaftiisꞌdoone layadeeh ichoow,

Marko 3:18

Reeri addan la a Andereeya, Fiilif, Barꞌdolomaayo, Mattaayo, Toomas, inam Alfaayo ki Yaakoobo layadeeh, ꞌDaꞌdaayo, Siimonhi magahiis Yaaftiisꞌdoone layadeeh,

Hilassi Ergaano 1:13

Chiꞌicho sooeleeleen ka, inti minki saraate iche maanassaas fiddiito ikorte. Ichehi intaas fiddiito a Beetero ichoow Yoohana ichoow Yaakoobo ichoow Andereeya ichoow Fiilif ichoow Toomas ichoow Barꞌdolomaayo ichoow Mattaayo ichoow inam Alfaayoki Yaakoobo layadeeh ichoow Siimonhi Yaaftiisꞌdoone layadeeh ichoow inam Yaakooboki Yuuda layadeeh.

Mattaayo 8:22

Iꞌdaasenyi Yeesso wihi us iyidah, “Isooraah. ꞌDooꞌdi tuume lamaaꞌdo a hili ꞌdooꞌdi tuume.”

Marko 2:15

Saahka Yeesso min Laawi kagolossataayi, ꞌdooꞌdoo kooddi goocho ittaawe ichoow ꞌdooꞌdoo ꞌdooꞌdi uskeel leh liiekkaacho ittaawe yimiyye, Yeesso ichoow abattitiis ba leegolossate. A mehe ꞌdooꞌdi buurenye usu sooraahe.