Marko 2:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Et tolossate, ilaal okhsate enenyet tuumman ꞌdeyꞌdoochaayi bahe. Icho tuumman la girmeesteene, Waakh koolicheene wihi icho yidaaheen, “Inno injire wihi iꞌdee ma argin.”

Marko 2:12 Referans Kwoze

Mattaayo 9:33

Chirri Yeesso et ginna kabahche ka, eti kootte yeyyeedin iubaaꞌdan yeyyeede, ꞌdooꞌd la weyti girmeeste, “Nah injire wihi iꞌdee ili Issiraayel goyaka ma argin,” yidah.

Mattaayo 9:8

Urur uus waha arge weyti roorro gesse, Waakkhi enenyet antohaas geeddee siiche koolicheen.

Luuka 7:16

Icho tuumman roorro gesse, Waakh saaꞌdeene, “Etoo weene Waákh íyeyyeedo goyteen a yimiy. Waakh a yimiyye ꞌdooꞌdiis gargaara,” yidaaheen.

Hilassi Ergaano 4:21

Jaldaabe weyti yeedi kootteet katirriinsatte tootoosse ꞌdeerka sooꞌdiisse. Sinati icho ergaano igoochaan waayeen, a mehe enenyet tuumman jeenteti wihi yitah u Waakhe koolicha.

Yoohana 9:32

Uus goorat harra lasoouume, eti injire eti indo laan desse indo haaggiche ma ladaagin.

Yoohana 7:31

Iꞌdaasenyi urur goyaka ꞌdooꞌdi ittaawe Yeesso rummeeste, wihi icho yidaaheen, “Ki Lasubhe maanti us yamiit, wahanyeyyohi ittaawenye miigti Waakh tuso eta yeele kussan a yeela?”

Luuka 17:15

Kichokoo chuꞌus saggi us isamaate arge ka, usuhi hooyi buure ka Waakh saaꞌdo soonokhte.

Luuka 13:13

Ulla dahantiis makhaabassaas korche, iche la chirraas on fit tolossatte, Waakh koolisse.

Luuka 5:26

ꞌDooꞌd tuumman girmeeste, Waakh saaꞌde. Icho tuumman roorro gesse, wihi icho yidaaheen, “Maalinka girmo a agarre!”

Marko 1:27

Enenyet tuumman girmeeste. “Waha iꞌdee a mehe?” isworsate. “A yeedi husube, toro anto khabo! Ginnayyo laka amur on ibahcha, icho la yeediis raahaan.”

Mattaayo 15:31

ꞌDooꞌd chuꞌus ꞌdooꞌdi af laaye yeyyeedo ichoow ki elyeenye sohti ichoow ki maꞌdayyeenye samaate ichoow ki indo laaye il argo arge ka weyti girmeeste Waakkhi Issiraayel saaꞌdeen.

Mattaayo 12:23

Enenyet tuumman girmeeste wihi us yidah, “Eta sarka a weel Dawuud a?”

Marko 2:11

“Tolosso, ilaalaah okkhiche, goob iro!”