Marko 16:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Ulla wihi us iyidah, “Anahina! Yeessohi Naasarete goorat massalaaba lakakaahe iche yowattaan. Omoot a kasookahe, inta ma kijiro! Meessi icho kareecheen yeya.

Marko 16:6 Referans Kwoze

Luuka 24:46

Ulla wihi us iyidah, “Wihi chiiran a waha. Ki Lasubhe sina loomhicha, ibeenki seyyahnaatteet ka omoot kasookaha.

Hilassi Ergaano 4:10

Toollaka atin ichoow ꞌdooꞌdi Issiraayel tuumman waha abda giꞌde! Eta toolla feyyate, miigowe, ortiin toollo, antohi magah Yeesso Kiriistohi Naasarete goorat atin massalaaba kakaahteene atin tigaaseene iꞌdaasenyi Waakh omoot kasookahche iche kasamaate.

Marko 1:24

“Wooy! Yeessohi Naasaret, ati mehe nah kaꞌdoonta?” yidah. “Nahe nah massin timiy? Ani alah eti at tahe a garda, at a Ki Munyeenye Waakh kayimiy!”

Mattaayo 12:40

A mehe Yoona maan seyyah ibeenkiche khabto uuri bahaggoo buurenye goya kajire. Ínam Aadam laka saggaase maan seyyah hawwaal ikabarya.

Marko 10:34

icho la usu kachaartaane, fool hanjuf katufaane, laajja ka doochaane, ꞌdaꞌddaboka yagiisiin. Chirri ibeen seyyahe kutte ka omoot kasookaha.”

Marko 1:27

Enenyet tuumman girmeeste. “Waha iꞌdee a mehe?” isworsate. “A yeedi husube, toro anto khabo! Ginnayyo laka amur on ibahcha, icho la yeediis raahaan.”

Marko 9:15

Enenyet uun us Yeesso arge weyti girmeeste, iorye bariitiche.

Marko 14:33

Beetero ichoow Yaakoobo ichoow Yoohana khaatte. Sohtaayi, uur goya iooye, mali uskul gele.

Hilassi Ergaano 2:24

Iꞌdaasenyi Waakh usu omoot a kasookahche, bolokkhi omooteet kasoofure, a mehe omoote usu jeyin ma tabuuꞌd.