Marko 16:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Toof laka dahan a kakhabta, toro chuꞌus hadaadohi uskul yabhuub laka ma gaameeraan iꞌdaaru laka. ꞌDooꞌdi khakkhannan dahano on korcha, ꞌdooꞌd samaata.”

Marko 16:18 Referans Kwoze

Luuka 10:19

An antohi atin toofaf ichoow arraaro kayabattaan a atin siiche, toro la miigti atin miigti chiiytan kasoorissaan a atin siiche. Walah atin gaameero mele.

Hilassi Ergaano 19:12

ꞌDeerka dafartoor fool lakahiyyaayti ichoow darfohiiski chaafo kalaabo sartiissa on ꞌdaare laka a lakhaata ꞌdooꞌdi khakkhannan liigeecha, samaataane ginnayyo laka enenyet goya lakariha.

Hilassi Ergaano 4:30

Antohi magah Yeessohi falfataahti munyee ka, dahantaah sooge enenyet samaache, wahanyeyyohi miigti Waakh tuso ichoow girmo yeel.”

Hilassi Ergaano 3:16

Kakhuufnaanki nah antohi magah Yeesso kakhuufno ka, eta orran dakkhan atin wihiis garattaane, toolla la agartaan, a lasamaache. Magah Yeesso ichoow kakhuufnaanki usu kayamiit, iche eta tuum samaache, saggi atin tuumman iagartaan u.

Hilassi Ergaano 9:34

Beetero la wihi us Ayyenneya iyidah, “Ayyenneya, Yeesso Kiriisto a kisamaacha, kahe ilaalaah khaat!” Ulla chirraas on sookahe.

Hilassi Ergaano 3:12

Beetero chirri us waha arge ka wihi us ꞌdooꞌd iyidah, “Mejeli Issiraayeloow a iꞌdoh waha ikagirmeysattaan? A iꞌdoh iꞌduu nah iyeytaan? Kol nah miigteenyo on ka ommos nah weyti Waakh kahamaadinno eta samaanne akoogeynana.

Marko 5:23

hawwaaste, “Inanteeyti rucchul a omoot. A kihawwaasde, kaale dahan kaꞌdaare, ꞌdee a samaatti jiro a ꞌhesso,” iyidah.

Rooma 16:20

Waakkhi nebey tuumman leh Seytaan a baabiicha, ulla luhlohiin ilicho ka yabta. Yeesso Kiriistohi Kamureene ba atin imaala.

1 Koriinto 12:9

Toro Rubeyta Waakh on ka etoo addan kakhuufnaanki Waakh weyti lakakhuufo lasiicha, Rubeytaas on ka etoo addan siinti enenyet lakasamaacho lasiicha.

Hilassi Ergaano 4:10

Toollaka atin ichoow ꞌdooꞌdi Issiraayel tuumman waha abda giꞌde! Eta toolla feyyate, miigowe, ortiin toollo, antohi magah Yeesso Kiriistohi Naasarete goorat atin massalaaba kakaahteene atin tigaaseene iꞌdaasenyi Waakh omoot kasookahche iche kasamaate.

Hilassi Ergaano 4:22

A mehe eta luhlo laaye wihi weeli enenyet yeelin iubaaꞌdan ka lasamaache, guꞌh tomon affar af khabto, iche khaba.