Marko 16:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ ꞌDooꞌdi rummeesti wahanyeyyoha miigti Waakh tuso a yeela. Antohi magaheey ka ginna enenyet a kabahcha, afi us idaagin laka kayeyyeeda.

Marko 16:17 Referans Kwoze

Hilassi Ergaano 5:16

Enenyeti buure ilkerengeetohi Yeerusaleem idow tuumman ka soobahe, ꞌdooꞌdichoki khakkhannan ichoow ki ginnayyo dakhtaan sookhaate. Icho tuumman la lasamaache.

1 Koriinto 12:28

Urur Kiriisto goyaka Waakh ꞌdooꞌdoo hilassane korche. Kolooraat ergaano, ki lammaatteet ꞌdooꞌdi Waákh íyeyyeedo, ki seyyahnaatteet ꞌdooꞌdi enenyet ayti Waakh abcho, ki kasookhuccho la a ꞌdooꞌdi wihi weeli enenyet yeelin iubaaꞌdan yeelo, ommos ki siimohi ꞌdooꞌdi khakkhannan lakasamaacho khabo, ommos ki ꞌdooꞌdi addan gargaaro ommos siimohi urur Kiriisto ladakhti ommos ki afi us idaagin kaayyeedo.

1 Koriinto 12:10

Toro Rubeyta Waakhe etoo addan miigti wihi weeli enenyet iubaaꞌdan lakayeelo siissa, etoo addan la siinti Waakh liiyeyyeedo siissa, etoo addan laka siinti Rubeyti Waakh ichoow rubeyohoo addan seley lakaabti siissa. Etoo addan la siinti us afassi Rubeyti Munyee kayamiit kaayyeedo siissa, etoo addan la siinti us wihi afassaas ka leessi kalaabo siissa.

Hilassi Ergaano 8:7

ꞌDooꞌdi ittaawenye ginnayyo dakhtaan, riirit ka ginnayyo kabaheene, ꞌdooꞌdi sare hanjaawte ichoow ꞌdooꞌdi luhlo laa laka a lasamaache.

Luuka 10:17

Reeri tomon teeba ichoow et lammee usuhi hamaado soonokhte, wihi us yidah, “Kamur, ginnayyo laka chirri nah magahaah on wahne, yeedeenyo a raahaan!”

Hilassi Ergaano 10:46

Iꞌdi tahe ꞌdooꞌdi yaafohi addan ichohi afi icho idaagin kaayyeedo toro Waakh saaꞌdo, iche daageen. Beetero ꞌdeerka wihi us yidah,

Yoohana 14:12

Rume atin icheeka, eti tuummane ani irummeesti, wihi an yeelo a yeela. Wihi waha kussan laka a yeela, iꞌdi tahe an Aabbahaaya inokhda.

Hilassi Ergaano 19:6

Chirri Baawulo icho dahano korche ka, Rubeyti Munyee isooyagte, icho la afassi icho idaagin kaayyeedeene toro wori Waakh kayimiy cheekeen.

1 Koriinto 14:2

Iꞌdi tahe eti afi Rubeyti Munyee kayamiit kaayyeedo, weeli enenyet mee leeyyeedo, iꞌdaasenyi Waakh rubeytiissa leeyyeeda. Et yeediis daago mele, iꞌdi tahe rubeytiis ka us wihi dagsane kaayyeeda.

1 Koriinto 12:30

Enenyet tuummane siimohi ꞌdooꞌdi khakkhannan lasamaacho khaba? Enenyet tuummane afassi Rubeyti Munyee kaayyeeda? Enenyet tuummane wihi afassa ka leessi cheeka?

1 Koriinto 13:1

Chirri an afassi weeli enenyet ommos afassi herti Waakh kaayyeedo, iꞌdaasenyi an enenyet iꞌdoonin, an a iꞌdi gaꞌdaari ballaaddane hafane weyti riiro, ꞌdollo lajaho on. Ommos an a iꞌdi ꞌdaanki buurenye immarah yeedo on.

Hilassi Ergaano 16:18

Iche la ibeenneti ittaawe iꞌdaas yeesse ichoowka Baawulo weyti hollowe, iurgiye, ginna leeyeede wihi us iyidah, “Antohi magah Yeesso Kiriisto ka, amure kibahcha, inanta kasoobah!” Chirraas on ginna inám kabahte.

Marko 9:38

Saahka Yoohana wihi us iyidah, “Eti ween, nah etoo antohi magahaah ka ginnayyo enenyet goya kabahcho a agarre. Jeenteti us keen ieheynan u wahaas toolli inidah.”

Hilassi Ergaano 2:33

A laweynaache, Waakh anki dahantiisti miigeet loorrommiche. Waakkhi Aabbahiise Rubeyti Munyeenye us ayyiche kaꞌhele. Waha buurenye toolla atin agarteene toro la daagteen tuumman la, Rubeyti Munyeenye kayamiitiin.