Marko 16:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Inkoo Seeri Lanaso kute ka Maariyati ilkerengeetti Magdaala ichoow Maariyati abar Yaakoobee ichoow Saloome miricchihoo weyti uyuuge soogateen, sar Yeesso kasubhaanee.

Marko 16:1 Referans Kwoze

Luuka 23:56

ꞌDeerka goob inokhteene miricchi ichoow geeyohi uyuuggee tuumman tannabicheen. Waha la a wihi icho sar Yeesso kadowaan. Iꞌdaasenyi Seeri Lanaso ka naseen iꞌdi amur iꞌdoonuu.

Marko 15:40

Deyyehotoo fogaka a ꞌdeyꞌdoossa. Goycho ka a Maariyati ilkerengeetti Magdaala ichoow Maariyati Yaakoobohi nugul ichoow Yoosse desse ichoow Saloome.

Yoohana 19:31

Ibeenki Latannabti kola a yitah. Ibeenki kaas sooraaho la, a Seeri Lanaso weyti khumman. Weynaanti Yaꞌhuud la sarti Seeri Lanaso massalaaba kajirto ma ꞌdoonto. Bilaato amuri luhlo lakaajjebcho ꞌdee sar lasooyagcho daaheen.

Yoohana 19:25

ꞌDooꞌdi massalaaba Yeesso hagga toolle a abartiis ichoow iingotiis ichoow Maariyati makhaabál Kiiliyoobaase ichoow Maariyati ilkerengeetti Magdaala.

Marko 16:8

Oboorri hamar kayimiyye girmeeste, goꞌd kabahe, firde. Etoo kalday laka ma icheekin, a mehe roorro khabeen.

Marko 15:47

Maariyati ilkerengeetti Magdaala ichoow Maariyati abar Yoossee, goꞌddaas sar Yeesso lakareeche a argeen.

Marko 14:8

Makhaabassa wihi iche tabuuꞌd tuummane yeesse. Sarteey miricchi ka subahte, orey on geeddi liihawwaalin tannabisse.

Marko 14:3

Yeesso ilkerengeetti Beꞌdaaniya ka minki etoo Siimonhi Ki Buꞌda Khabe layadeeh ka, komborti ballaaddane lakagolossati ka dikkile kajiifa golossata. Makhaabassoo kurunkoo daakki alabaasta lakahaaggiche miricchihoo weyti gato miige kijiro geeyoo naad layadeeh lakahaaggiche leetimiy. Kurum lukhum jebisse, Yeesso miricchi matah kakhubte.

Luuka 23:54

Waha la a Ibeenki Latannabti, Seeri Lanaso la a soodeylanta.

Marko 15:42

Maantaas a Ibeenki Latannabti. Waha la a maanti Seeri Lanaso ortiise. Chirri il gelebnowe ka,

Marko 16:2

Ibeenki oraate teebataas ka, uus orrahe sookorte kaheene, goꞌddi Yeesso lakahawwaale ibaheen.

Luuka 24:1

Baryoti ibeenki oraate teebataas ka, deyyeho uyuuggeti iche haaggisse khaatte goꞌddi Yeesso lakahawwaale iratte.