Marko 15:46 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁶ Yuussuf dafartoo soogate, sar Yeesso massalaaba kasooyagche, dafartaas kaayyuube. Goꞌddoo daddaab ka lakhute hawwaal lakayeele goya kareeche, daddaabtoo buure ꞌdembeleeliye hawwaal afiche gesse.

Marko 15:46 Referans Kwoze

Yoohana 11:38

Yeesso toro weyti rubeye uskulaatte, hawwaassi goꞌdenye daddaabtoo buure af lakorche hagga irte.

Luuka 23:53

ꞌDeerka massalaaba kasooyagche, dafartoo kaayyuube goꞌddoo daddaab ka lakhute, injire enenyet liikahawwaalin goya kareeche.

Mattaayo 28:2

Harra weyti sesseehte, a mehe hertoo Kamur goobi Waakhe katimiyye goꞌd iratte, daddaab ꞌdembeleeliite, daddaab sarche koorrommatte.

Marko 15:45

Chirri us eti koobbintoo iskareet itoollo woraas kaabte ka, sar Yeesso Yuussuf siiche.

Marko 15:47

Maariyati ilkerengeetti Magdaala ichoow Maariyati abar Yoossee, goꞌddaas sar Yeesso lakareeche a argeen.

Yoohana 11:41

Daddaab hawwaal afiche lakabahche. Yeesso ꞌdeerka serey yeye, wihi us yidah, “Aabba, jeenteti at ani idaagtuu, kalaꞌde kisoolaaba.

Yoohana 20:1

Baryoti boorane ibeenki oraate teebataas ka, Maariyati ilkerengeetti Magdaala goꞌddi Yeesso lakahawwaale ijedde, saggi daddaab meel afiche liikabahche agarte.