Marko 15:43 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴³ Yuussufhi ilkerengeetti Arimaꞌdaaya Bilaato roorro laan iirte sar Yeesso daahe. Yuussufha la a etoo Jaldaabti Weene Yaꞌhuud goyaka magah khabo toro la dakhi Waakh laka sugo.

Marko 15:43 Referans Kwoze

Luuka 2:38

Iche laka chirraas on timiyye jeenteti Yeessohi dessuu Waakh kalaꞌd ilaabte, toro la ꞌdooꞌdi Waakkhi ꞌdooꞌdi ilkerengeetti weene Yeerusaleem furo sugo laka weel woriis icheekte.

Luuka 2:25

Maantaas la makhaabaloo Siimiyon layadeeh ilkerengeetti weene Yeerusaleem a kijira. Ulla a eti fissane Waakh karooro. Ulla yaafohi Issiraayele uur lakhoboocho iche suga. Rubeyti Munyee la usu a leejirte.

Luuka 23:51

Ulla a etoo Jaldaabti Weene Yaꞌhuud goya kijiro, iꞌdaasenyi wihi icho goocheen ichoow wihi icho yeeleen ma leegoon.

Hilassi Ergaano 17:12

ꞌDooꞌdi Yaꞌhuude ittaawe Kiriisto rummeeste. Deyyehoti ittaawenye magah khabto yaafohi Yaꞌhuud ieheynan ichoow mejeli yaafohi Yaꞌhuud ieheynane ittaawe laka Kiriisto rummeeste.

Yoohana 19:38

Yomboka etoo Yuussuf layadeehe ilkerengeetti Arimaꞌdaaya kayimiy, irte Bilaato sar Yeesso daahe. Yuussuf la dagsi ka abatti Yeesso eheet, jeenteti us weynaanti Yaꞌhuud ikarooruu. Amuri Bilaato siiche ka, yimiyye sar Yeesso khaate.

Mattaayo 27:57

Geleb ka makhaabaloo kamurenye ilkerengeetti Arimaꞌdaaya magahiis Yuussuf layadeehe, ullaka abatti Yeesso yitah yimiy.

Fiiliffi 1:14

Toro la jeenteti an jeela ikajiruu, ꞌdooꞌdi Kiriisto rummeeste buurtiis Kamur ka uur a lamiigooche, ꞌdee roorro laan Yeedi Waakh cheekaan.

Hilassi Ergaano 13:50

Iꞌdaasenyi ꞌdooꞌdoo Yaꞌhuud deyyehoti Waakh karoorto magah khabto ichoow mejeli ilkerengeet ka weynaan leh sootukkicheen. Baawulo ichoow Barnaba sina omhin sookhabteene ichoowka ilicho kariheen.

Marko 14:54

Beetero la fogaka Yeesso sooraahe ichoowka uranti kuhaanihi weyti ween fiddiyo goya gele. Intaakka iskarti meel yaakhisso koorronte ꞌdab dahammoote.

Mattaayo 20:16

“ꞌDeerka ꞌdooꞌdi ꞌduboote ki oraat yateehe, ki oraat la ki ꞌduboot yateeh.”

Mattaayo 19:30

Iꞌdaasenyi ꞌdooꞌdi ittaawenye oraate ki ꞌduboot yateehe, ki ꞌduboot la ki oraat yateeh.”

Marko 15:44

Bilaato Yeessohi geeddaas ka yumuy kagirmeeste, eti koobbintoo iskareet itoollo wahe usu Yeesso ꞌhor yumuy worsate.

Luuka 23:50

Etoo Yuussuf layadeehe ilkerengeetti Arimaꞌdaaya ili Yaꞌhuudiya kajirto yaal la a jira. Ulla a etoo haaggane toro fissane toro dakhi Waakhe suga.