Marko 15:40 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁰ Deyyehotoo fogaka a ꞌdeyꞌdoossa. Goycho ka a Maariyati ilkerengeetti Magdaala ichoow Maariyati Yaakoobohi nugul ichoow Yoosse desse ichoow Saloome.

Marko 15:40 Referans Kwoze

Luuka 23:49

Iꞌdaasenyi ꞌdooꞌdi usu garti tuumman deyyehoti goorat boroofenhi Gaalilaaya kasooraahte khabaani foga tolossateene wahanyeyyoha ꞌdeyꞌdoocheen.

Marko 16:9

Ibeenki oraate teebataase us omoot kasookahe ka, kolooraat Maariyati ilkerengeetti Magdaala goorat us ginna teeba kabahche isoobahe.

Mattaayo 28:1

Inkoo Seeri Lanaso kute, baryoti ibeenki oraate teebataas ka, Maariyati ilkerengeetti Magdaala ichoow Maariyati addan irteene, goꞌddi Yeesso lakahawwaale sooyeyeen.

Mattaayo 27:61

Maariyati ilkerengeetti Magdaala ichoow Maariyati addan ba intaase fiddiyaane, goꞌddaas ꞌdeyꞌdoochaan.

Mattaayo 13:55

“Us eta aabbahiis eti tagaanki khoꞌdoommee menya? Magah abartiis Maariya menya? Yaakoobo ichoow Yuussuf ichoow Siimon ichoow Yuuda la walaalinyetiis menya?

1 Koriinto 9:5

Nah iꞌdi ergaanoti addan u ichoow iꞌdi walaalinye Kamureen ichoow Keefas illeh u, deyyehoteenyoti too Kiriisteenye nah walhisso ma muꞌdan a?

Marko 15:47

Maariyati ilkerengeetti Magdaala ichoow Maariyati abar Yoossee, goꞌddaas sar Yeesso lakareeche a argeen.

Yaakoobo 1:1

Khadaaba eti atin isoochiiro, a ani Yaakoobo. Anna a bowꞌdati Waakh ichoow bowꞌda Yeesso Kiriistohi Kamureene. ꞌDooꞌdi an isoochiiro la a ꞌdooꞌd Kiriistoki yaafohi tomon ichoow lammeenye Issiraayelenye harra tuumman kataasan. Nebeeheyte?

Galaatiya 1:19

Ergaanoti addan koo an arge mele, Yaakoobohi Yeessohi Kamure walaaliise kaldaye on menye.

Mattaayo 10:3

Fiilif, Barꞌdolomaayo, Toomas, Mattaayohi kooddi goocho, inam Alfaayo ki Yaakoobo layadeeh, ꞌDaꞌdaayo,

Marko 16:1

Inkoo Seeri Lanaso kute ka Maariyati ilkerengeetti Magdaala ichoow Maariyati abar Yaakoobee ichoow Saloome miricchihoo weyti uyuuge soogateen, sar Yeesso kasubhaanee.

Luuka 19:3

Ulla usuhi Yeesso argo ꞌdoona. Iꞌdaasenyi sag us Yeesso iargo mele iꞌdi tahe us weyti konkoommanyahe, urur la weyti buur eheneet.