Marko 15:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Bilaato wihi us worsate, “A iꞌdoh? Mehe suujenye yeele?” Iꞌdaasenyi geeddi kootteet ꞌdirihiis riireene, “Massalaaba kakaah!” yidaaheen.

Marko 15:14 Referans Kwoze

Luuka 23:41

Lammateen jeenteti uskeeli inno yeelle on inno liiyagiis, iꞌdaasenyi us walah suujenye us yeele mele.”

1 Beetero 1:19

Iꞌdaasenyi diig Yeesso Kiriistoki lagane iꞌdi heleenki miꞌdabenye eloo rucchul laka ikhabine lagute.

Ibiraaniya 7:26

Yeesso a kuhaaniheenki weyti weene, sagag tuumman ka inno gargaaro. Iꞌdi tahe usu a munya, eloo rucchul laka ma khabo, biꞌdiroo rucchul laka ma khabo. Waakh usu ꞌdooꞌdi uskeel leh goyaka a soobahche, goobi Waakh ka walah tuumman ꞌdirihicho weynaache.

Hilassi Ergaano 19:34

Iꞌdaasenyi chiꞌicho saggi us Yaꞌhuud iyahe kaseen ka, hooyoo kalday ka geeddi sahaꞌd lamma tuumman riireene, “Arteemisti ilkerengeetti Efeesso a weentahe,” esseen.

Yoohana 19:6

Uus kuhaaniyyohi wewween ichoow iskarti minki Waakhe buure yaakhisso Yeesso agarte ka, riirte, “Massalaaba kakaah! Massalaaba kakaah!” tidah. Iꞌdaasenyi Bilaato wihi us ilaabe, “Atin khaata massalaaba kakaaha. Ani ka walah lakacheekti an argo mele.”

Yoohana 18:38

Bilaato la wihi us worsate, “Yeedi rummaat a mehe?” Bilaato toro ꞌdooꞌdi Yaꞌhuud ibahe wihi us iyidah, “An eta walah lakacheekti an argo mele.

Luuka 23:47

Chirri eti koobbintoo iskareet itoollo wihi yitah arge ka, Waakh saaꞌde wihi us yidah, “Rumanka eta eti fissane eheet!”

Luuka 23:21

Iꞌdaasenyi urur riire “Massalaaba kakaah! Massalaaba kakaah!” esse.

Luuka 23:4

Bilaato la wihi us kuhaaniyyohi wewween ichoow urur ba iyidah, “An eta walah lakacheekti an argo mele.”

Mattaayo 27:54

Chirri eti koobbintoo iskareet itoollo ichoow iskarti leejirte Yeesso yuubisso harrati sesseehto ichoow wihi tuummane yitah agarte ka, weyti nahte, “Rumanka usu Weeli Waakhe eheet,” tidah.

Mattaayo 27:19

Bilaato komborti enenyet lakahukkumo kafiddiyaayi, makhaabassiis farniin isooeregte, “Etaas uskeeloo iyeelin wohoo rucchul laka ayeeline, diiggiis agelin. Iꞌdi tahe ibeenkate issilloteey ka jeentetiis u weyti sina a ikawaartee,” itidah.

Mattaayo 27:4

“An haꞌdaabe gele, a mehe an eta wohoo iyeeline atin ikeene, diiggiis gele,” yidah. Wihi icho ilaabeen, “Wahaas walah icho nah iyahiin mele! Ati on iꞌdi at tadeeh dah.”

Marko 15:13

Riireene, “Massalaaba kakaah!” yidaaheen.

Marko 15:15

Jeenteti us icho ihamaadin ꞌdoonuu, Bilaato Barraba icho isoofure, amuri Yeesso lakadoocho toro massalaaba lakakaaho bahche.

Hilassi Ergaano 13:28

Chirri icho wihi rumanka Yeesso omoot liikagoocho ikhabin laka, Bilaato Yeessohi layagiise daaheen.