Marko 14:61 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶¹ Iꞌdaasenyi Yeesso gammadiche, walah us soolaabe mele. Kuhaanihi weyti ween toro wihi us worsate, “At a Ki Lasubhe, a Weeli Waakkhi Lakoolicho?”

Marko 14:61 Referans Kwoze

Marko 15:2

Bilaato wihi us worsate, “Karnati Yaꞌhuud a ati?” Yeesso wihi us ilaabe, “A rum, a iꞌdaas at elatti on.”

Yoohana 19:7

Weynaanti Yaꞌhuud tirriinsatte wihi iche tidah, “Nah amuri eti iꞌdee a layigaase yadeeh a khabna. A mehe us, ‘Aní Weeli Waakhe,’ iche essa.”

1 Beetero 2:23

Us maanti laabaare laka abaar ma laabin. Maanti sina lakawaariche laka, ꞌdooꞌdi sina kawaariche ma itiftoonne, Waakkhi enenyet saggi mujjume ihukkumo on dahantiis isgesse.

Yoohana 10:36

ki Aabbaheey soobahsate kiis kayeesse harrata isooerge la? A iꞌdoh ꞌdeerka chaꞌan, ‘Ani a Weeli Waakh,’ idah, a gafe ielattaan?

Yoohana 1:34

An waha a arge, saggi rumanka us Weeli Waakh iyahe, a cheeka.”

Mattaayo 16:16

Siimonhi Beetero layadeeh wihi us ilaabe, “At a Ki Lasubhe, a Weeli Waakkhi jirtuu tuumman jiro.”

Mattaayo 8:29

Chirraas on riireene, “Weeli Waakh, at mehe nah kaꞌdoonta? Geeddi ibeenki Waakh nah ichiire iitaahan on tamiite bolokh nah tussa?” yidaaheen.

Mattaayo 3:17

Hooyoo la serey kasooyeede, wihi us yidah, “Waha a Weeleeyki an weyti ꞌdoono, weyti ikahamaadicho.”

1 Timooti 6:15

Waakh ibeenki goorat us gooche Kiriisto enenyet a tusa. Waha a Waakkhi weeli enenyet tuumman saaꞌdo, enenyet tuumman dakhti, a Karnati karnato kussan, a Kamuri kamurre kussan.

1 Timooti 1:11

Woraas mujjume ichoow Wori Haaggane weynaanti Waakkhi lasaaꞌdo tusso us ikorche a israahaan.

Hilassi Ergaano 8:32

Eti sangꞌee Chiirnaanneti Waakh goyaka wahane soome, “Usu iꞌdi naffi iiyyaate inti lakagoorraho liiwoyuu, toro la iꞌdi heleenki tim lagoggoocho iyeedin u, afiis ma bukkhin.

Yoohana 19:9

Minki buurenye gaafana goya inokhte, Yeesso, “Intoh katimiy?” worsate. Iꞌdaasenyi Yeesso walah us laabe mele.

Yoohana 18:37

Bilaato wihi us iyidah, “At ꞌdeerka a karnat!” Yeesso wihi us ilaabe, “Aa, at a eysiisse, chaꞌat an a karnat tidah! Rumanka ani jeentetaase liidele, toro jeentetaase harrata iimiyye, ꞌdee rum cheeka. Eti tuummane rum ꞌdoono, a idagansata.”

Yoohana 10:24

Weynaantoo Yaꞌhuud Yeesso khaarisse, wihi iche itidah, “Ichoowka maantoh waha nah kadagissa? Chaꞌat Ki Lasubhe tahe, rum on nah isoocheek.”

Marko 14:60

Chirraakka kuhaanihi weyti ween ꞌdooꞌd tuumman ortiis ka kahe, wihi us Yeesso worsate, “Walah at soolaabto mele? Yeeda enenyet kaacheekti, mehe jira?”