Marko 14:38 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁸ Toorribda Waakh wahda, ꞌdee kajmeti uskeel atin kaluguꞌddo akidihina. Rubeyohiin wihi mujjumenye ꞌdoonaane, iꞌdaasenyi sartiinna ꞌdabakhe.”

Marko 14:38 Referans Kwoze

Mattaayo 26:41

“Toorribda Waakh wahda, ꞌdee kajmeti uskeel atin kaluguꞌddo akidihina. Rubeyohiin wihi mujjumenye ꞌdoonaane, iꞌdaasenyi sartiinna ꞌdabakhe.”

Mattaayo 24:42

“Maantaka toorribda, a mehe ibeenki Kamuriin yamiit ma garattaanee.

Luuka 21:36

Kol dakkhan isyaakhicha. Weesda la ꞌdee Waakh waha tuummane dowwanoha ka sooyateeh a atin kakhaduudicho, miigti atin Ínam Aadam ortiis katolossattaan a atin siicho.”

Luuka 22:40

Chirri icho meel eleeleen ka, Yeesso wihi us abatti iyidah, “Waakh wahda ꞌdee kajmeti uskeel atin kaluguꞌddo akidihina.”

Luuka 22:46

Wihi us icho worsate, “A iꞌdoh iuꞌdurtaan? Kaha Waakh wahda ꞌdee kajmeti uskeel atin kaluguꞌddo akidihina.”

Galaatiya 5:17

A mehe wihi uuraas goya kijiro uskeel imoono, Rubeyti Munyee a tirrimaane, wihi Rubeyti Munyee ꞌdoonto la, wihi uuraas goya kijiro uskeel imoono a tirrimaan. Icho a istirrimaane, ꞌdeerka wihi haaggane atin yeelin ꞌdoontaan ma yeessaan.

1 Beetero 5:8

Taba isjeycha toro la mujjum toorribda! Seytaanki chiiytankiine iꞌdi bahassihi yeeduu a ismara, eti us bar tiro yowtaa.

Marko 14:34

“Huleesi rubeyteey kijiro, huleesi omooteet laka a ikeena. Inta fiddiya, toorribda la,” iyidah.

1 Koriinto 16:13

Taba istoorriba, kakhuufnaanki atin Waakh kakhuuftaan ka mujjum tolola. Aburꞌdowina, miig la khaba.

Mattaayo 25:13

“Maantaka toorribda, a mehe maan ichoow sahaꞌd ma garattaanee.

Mattaayo 6:13

Kajmeti uskeel nah kaluguꞌddo nah kajeyiche, iꞌdaasenyi Seytaanki uskeel leh nah karib!’

Bakkaahit 3:10

Atin amureey a raahteene garrahsatteen gone, maanti sinayyohi khar kayamiit ꞌdooꞌdi harra yaal tuumman isoobahaane ꞌdee kajaan, an a atin toorriba.

Fiiliffi 2:12

Aalasseeyki an weyti ꞌdoono, atin waansiheey kol tuumman a raahteen. Geeddi an atin leejire kalday on menye, toolla an atin ileejirin weyti raahtaan. Maantaka, hamar ichoow roorroti atin Waakh karoortaan ka, orey isohda ribnaanki Waakh atin ribo jirotiin goyaka hol kadowa.

Marko 14:37

ꞌDeerka abattitiis inokhte, ichehi uꞌdurto ꞌhele. Beetero leeyeede, wihi us iyidah, “Siimon, a uꞌdurte? At sahaꞌddoo kalday laka toorribnaan a agaafatte?

Marko 14:39

Toro irte Waakh wahte, wihi kootte us yidah on inokhte.