Marko 14:26 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁶ Inkoo icho geeyoo Waakh dowteen ka, Hali Geeyohi Oolif ibaheen.

Marko 14:26 Referans Kwoze

Mattaayo 26:30

Inkoo icho geeyoo Waakh dowteen ka, Hali Geeyohi Oolif ibaheen.

Luuka 22:39

Yeesso bahe, iꞌdi orrankateet u Hali Geeyohi Oolif irte, abattitiis la raahte.

Bakkaahit 5:9

Icho la geeyoo husub doween, “Ati muꞌdane khadaabaas khaatta, hanjayyohaas bukkhissa. Iꞌdi tahe goorat a lakisoorriyooche, diiggaah ka la weeli enenyete yaafo tuummane ichoow afaf tuummane ichoow filal tuummane ichoow ilal tuummamba Waakh a igatte.

Yaakoobo 5:13

Etoo goytiin ka sina khaba? Waakh on a wahti. Etoo goytiin ka a hamaada? Waakh a saaꞌdo.

Kolossaay 3:16

Walah tuumman ka wori Kiriisto miinsan mujjum nabah isuda, jirotiin ka tuum raaha. Khara tuumman ka, wora isabcha, toro la wora on ka issoohossa. Sabuuri Yeedi Waakh goya kayimiy ichoow geeyohi Waakh lakasaaꞌdo ichoow geeyohi Rubeyti Munyee atin siisso, Waakh idowa. Kol dakkhan Waakh kalaꞌd ilaaba, geeyo idowa. Geeddaas tuumman la rubeyohiin ka Waakh kalaꞌd ilaaba.

1 Koriinto 14:15

ꞌDeerka mehe yeelo? Rubeyteey ka Waakh a wahda toro maleey ka laka Waakh a wahda. Rubey ka Waakh a saaꞌda toro maleey ka laka Waakh a saaꞌda.

Hilassi Ergaano 16:25

Geeddi ibeene il ekka seley kagowe ka, Baawulo ichoow Siila Waakh wahteene, geeyohi Waakh laka dowteen. ꞌDooꞌdi addane hidan la a dagansata on.

Mattaayo 21:1

Chirra icho ilkerengeetti weene Yeerusaleem isoodowwaateene, ilkerengeetti Beꞌdifaage Hali Geeyohi Oolif haggee yimaateen ka, Yeesso abattitoo lammee ergate.

Marko 14:25

Rume atin icheeka, an farsoti sabiib toro ma damo, ichoowka ibeenkaas an wihi husub dakhi Waakh ka damo yateeh.”

Yoohana 18:1

Inkoo Yeesso weysi massiche ka, abattitiis khabaayi irte, Ankhari Keediroon maaheen. Intaas la gosoo a kajire. Usu ichoow abattitiis ba gosaas goya geleen.