Marko 14:24 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁴ “Waha a diiggeeyki ayyinti husube Waakh enenyet igoocho, a diiggi iroonoti enenyeti buure liikhubo.

Marko 14:24 Referans Kwoze

1 Koriinto 11:25

Saggaas on u, inkoo icho gololi gelebeet yumheen ka, kokkoob khaate, wihi us yidah, “Kooba a ayyinti husube Waakh enenyet diiggeey ka igoocho. Iꞌda yeela, maambaaw atin dantaan ka ikasooꞌhela.”

1 Koriinto 10:16

Chirri inno gololi Kamur ka Waakh koob ka kalaꞌd ilaabno toro danno, inno tuumman gargaari diig Kiriisto isleegisanna menya? Makaateti lajebcho islaleeyaham ka la, gargaari sar Kiriisto isleegisanna menya?

Yoohana 6:53

Yeesso la wihi us ilaabe, “Rume atin icheeka, sammata atin ínam Aadam sartiis iumhane toro la diiggiis idamin, jiroti rummaat ma khabtaan.

Marko 10:45

A mehe Ínam Aadam laka, ma imaatane ꞌdee enenyet usu ma ifalo, iꞌdaasenyi a yimiyye ꞌdee us ꞌdooꞌd ifala, rubeytiis diiba, ꞌdee enenyeti ittaawe mogti uskeelicho iguta.”

Marko 14:23

Toro kokkoob khaate, Waakh kalaꞌd ilaabe, abatti idiibe, iche tuumman la isleeanguumatte.

Marko 14:25

Rume atin icheeka, an farsoti sabiib toro ma damo, ichoowka ibeenkaas an wihi husub dakhi Waakh ka damo yateeh.”

Luuka 22:20

Saggaas on u, inkoo icho gololi gelebeet yumheen ka, kokkoob khaate wihi us yidah, “Kooba a ayyinti husube Waakh enenyet diiggeey ka igoocho, a diiggi iroonotiin liikhubo.