Marko 14:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Ínam Aadam iꞌdi usu miinsane lachiiruu, a yamuut. Iꞌdaasenyi eti Ínam Aadam ꞌdub goocho, sinati sugto eenna a buure! Usuhi goorat idelanne deefta.”

Marko 14:21 Referans Kwoze

Yoohana 19:28

Yeesso chirraakka saggi wihi goorat yateeh tuumman iyitaaheen garte. Ulla saggi us wihi Chiirnaanneti Waakh tadeeh ibuuhichuu, wihi us yidah, “An a subgaade.”

Hilassi Ergaano 4:27

Rumanka ꞌHerood ichoow Boontiyo Bilaato ichoow yaafohi Yaꞌhuud ichoow yaafohi Yaꞌhuud ieheynan ba ilkerengeetta ka a kulmeene, ꞌdee saggi icho Yeessohi falfataahenye munyeenye at subahte itirrimaan goocheen.

Hilassi Ergaano 2:23

Waakh saggi goorat us igooche us ꞌhor igartuu, Yeesso dahanohiin a soogesse. Atin la gargaari ꞌdooꞌdi uskeel leh ka usu massalaaba kakaahteene tigaaseen.

Hilassi Ergaano 1:25

ꞌdee hila Waakhe ergaano gelo nah tus. Waha la a meessi Yuuda kabahe, ulla inti imasse irtee.”

Mattaayo 26:56

Iꞌdaasenyi wahanyeyyoha a yitaaheene ꞌdee wihi ꞌdooꞌdi Waákh íyeyyeedo chiire labuuhicha.” ꞌDeerka abatti tuumman usu katabte firidde.

Mattaayo 26:54

Iꞌdaasenyi chirri an iꞌdaas yeele, saggoh ꞌdee wihi Chiirnaanneti Waakh kachiirane sooyateeh liibuuhicha?”

Luuka 24:44

Ulla wihi us iyidah, “Waha dakkhan a wihi maanti goorat an atin leejiro an atin icheeke, wihi tuummane ani imiinsane Chiirnaanneti Amurre ichoow ti ꞌdooꞌdi Waákh íyeyyeedo ichoow ti buuggi Sabuur lakachiire a labuuhicha.”

Luuka 22:22

Ínam Aadam iꞌdi goorat Chiirnaanneti Waakh lakachiiruu, a yamuute, iꞌdaasenyi eti usu ꞌdub goocho sinati sugto eenna a buure.”

Marko 14:49

Maan tuumman ani a atin leejire one, uranti minki Waakhe buure ka Yeedi Waakh atin abche, ma ikhaban la. Iꞌdaasenyi wahanyeyyoha a yitaaheene ꞌdee wihi Chiirnaanneti Waakh kachiiran labuuhicha.”

Marko 14:20

Wihi us ilaabe, “Atinha tomon ichoow lammee, a etiinkoo. A etiinki makaate karanta ikaleelugꞌdo.

Marko 14:22

Golossataani Yeesso makaate khaate Waakh kalaꞌd ilaabe, jejjebche abattitiis ididdiibe, wihi us yidah, “Khaata, waha a sartaayaa.”