Marko 14:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Chirra icho komborti lakagolossati ka dikkille kajiifaane golossataan ka, Yeesso wihi us yidah, “Rume atin icheeka, etiinkoo ꞌdub igoocha, a etiinkoo ileegolossati.”

Marko 14:18 Referans Kwoze

Yoohana 6:70

Yeesso ꞌdeerka wihi us ilaabe, “Ani menya atinha tomon ichoow lammee atin soobahsade? Iꞌdaasenyi goytiin ka, etoo a ki Seytaan!”

Yoohana 6:47

“Rume atin icheeka, eti tuummane ani irummeesti, jiroti jirtuu imassan a khaba.

Yoohana 13:38

Yeesso wihi us ilaabe, “At rumanka jeenteteey u jirotaah a soobihissa? Rume kisoocheeka, geeddi lukki iriirin, at kol seyyahe ma igaratti tadeeh.”

Yoohana 13:21

Inkoo us waha yidah ka, Yeesso weyti uur suujowe, wihi awtiis miinsan abatti icheeke, wihi us yidah, “Rume atin icheeka, etiinkoo ꞌdub igoocha.”

Yoohana 6:32

Yeesso la wihi us icho iyidah, “Rume atin icheeka, eti gololi goobi Waakh kayimiy atin siiche Muusa mee. Iꞌdaasenyi Aabbahaaya gololi rummaate serey kayamiit atin siicha.

Yoohana 6:26

Yeesso wihi us ilaabe, “Rume atin icheeka, atin jeenteti an wahanyeyyohi miigti Waakh tuso iyeele mee ani iyowattaan. Iꞌdaasenyi jeenteti atin makaate itumheene atin idaragteene ani iyowattaan.

Yoohana 5:19

Yeesso wihi us jaldaabti Yaꞌhuud ilaabe, “Rume atin icheeka, Weeli Waakh walah us keley yeelo mele. Wihi us argo Aabbahiis yeelo on yeela. Iꞌdi tahe wihi Aabbahiis yeelo on Weeliis laka yeela.

Yoohana 3:11

Rume kisoocheeka, wihi nah garanni a atin isoocheekna, wihi nah indo kaagarre laka a atin isoocheekna. Iꞌdaasenyi, atin wihi nah atin idowno ma rummeysattaan.

Yoohana 3:5

Yeesso wihi us ilaabe, “Rume atin icheeka, et dakhi Waakh gelo mele, sammata bicche ichoow Rubeyti Munyee ka liidelin.

Yoohana 3:3

Yeesso la wihi us ilaabe, “Rume kisoocheeka, et dakhi Waakh argo mele sammata koli lammaatteet liidelin.”

Yoohana 1:51

Wihi us kakhaye, “Rume atin icheeka, goobi Waakh usuhi furane herti Waakh ínam Aadam isookhubatti toro korto a agarta.”

Luuka 11:51

Uus ogoos Aabel kasookhabatti ichoowka ogoos Sakkariiyahi chalagti hoola lakasoorriyoocho ichoow minki Waakhe buure dahcho lakayigis eleessa. ꞌDooꞌdi iꞌdee la wahaas tuummane lakahukkuma.

Luuka 4:24

Wihi addane us yidah “Rume atin icheeka, et Waákh íyeyyeedo goobicho ka lakhaatti mele.

Marko 14:25

Rume atin icheeka, an farsoti sabiib toro ma damo, ichoowka ibeenkaas an wihi husub dakhi Waakh ka damo yateeh.”

Marko 14:9

Rume atin icheeka, meelbaaw Wori Haaggan harra tuumman ka lacheeko ka, wihi iche yeesse laka a lacheeka, iche la lakasooꞌhela.”

Marko 10:29

Yeesso wihi us ilaabe, “Rume atin icheeka, eti jeenteteey u ichoow jeenteti Wori Haaggan u goobiis ommos walaalinyetiis ichoow albehi leedesse kasootabe, aabbahiissa, abartiissa, nyaakhut, ommos gosiis kasootabe,

Marko 10:15

Rume atin icheeka, eti dakhi Waakh saggi weeli rucchul ikakhaatan, koloo kalday laka goobi Waakh ma gelo.”

Marko 9:41

Rume atin icheeka, eti tuummane jeenteti us abatti Kiriisto iyahuu kooboo biccheet kisiiche, etaas koloo kalday laka kalaꞌddiis ma waayo.”

Marko 9:1

Toro wihi us iyidah, “Rume atin icheeka, gaasiinkoo maanta inta kijiro omoot ma argo, ichoowka dakhi Waakh miig khabaayi yamiit.”

Marko 8:12

Yeesso uur suujowe, “ꞌDooꞌda iꞌdee a iꞌdoh wahanyeyyohi miigti Waakh tuso idaaha?” yidah. “Rume atin icheeka, wohoo kaldaye miigti Waakh tuso laka ma lasiicho!”

Marko 6:11

Meelbaaw atin liikamartiisanne ommos atin liidagansan, ebeeri luhlo atin fuulo sahda geedda atin bahtaan. Waha a garti ichó cheekatti.”

Marko 3:28

Runti an atin icheeko, enenyet uskeeliis tuumman ichoow gaf tuumman laka a liikakuta on.

Mattaayo 26:21

Golossataani, Yeesso wihi us yidah, “Rume atin icheeka, etiinkoo ꞌdub igoocha.”

Mattaayo 6:5

“Kolbaaw atin weysattaan, iꞌdi ꞌdooꞌdi iskaayyeelo iitaahana. Iꞌdi tahe icho wihi icho ꞌdoonaan, a ichohi minassi weysiite Yaꞌhuud ichoow inti enenyet tuumman kaargo ka tolossati weestaane, ꞌdee ꞌdooꞌd tuumman saaꞌdo. Rume atin icheeka, icho kalaꞌddicho tuum a ꞌheleen.

Mattaayo 6:2

“Maantaka kolbaaw at etoo miskiine wohoo siisso, enenyet iistuttusin iꞌdi orran ꞌdooꞌdi iskaayyeelo minassi weysiite Yaꞌhuud ichoow jitat ka yeelo ꞌdee ꞌdooꞌd iinkaanyituu. Rume atin icheeka, icho kalaꞌddicho tuum a ꞌheleen.

Mattaayo 5:18

Rume atin icheeka, chirri sereyta daayan ichoow harra massataan laka, aytoo rucchul laka amurre Muusa goya ma lakabahcho, ichoowka wihi lachiire tuumman labuuhicha.

Yoohana 21:18

Yeesso toro wihi us iyidah, “Rume kisoocheeka, maanti goorat at nugussahe, a sookahta, darfo gessatta, meessi at iran ꞌdoonto tuumman iratta. Iꞌdaasenyi maanti at araarrowte, dahanohaah a oogta, etoo addan la gaad kigessa, inti at iran iꞌdoonin kigeecha.”

Mattaayo 6:16

“Kolbaaw at af hidatti, iꞌdi ꞌdooꞌdi iskaayyeeluu fool ariboon. A mehe icho fool a dakhnaata, ꞌdee saggi icho af ihiiteen tusaan. Rume atin icheeka, icho kalaꞌddicho tuum a ꞌheleen.

Marko 14:17

Chirri il gelebnowe ka, Yeesso abattitiisti tomon ichoow lammee khabaayi yimiy.

Marko 14:19

Iche tuumman fool ribowe kooba, “Rumanka ani mee menya?” worsate.

Luuka 22:21

Iꞌdaasenyi dahanti eti ꞌdub isoogoocho dahantaaya komborta ballaaddan kaleejirta.

Yoohana 13:18

“Wora an kaayyeedo atin tuumman mee atin miinsanyahe. ꞌDooꞌdi rumanka an soobahsade a garda. Iꞌdaasenyi Chiirnaanneti Waakhe, ‘Eti ileegolossate on toro chiiy iyitah,’ tadeeh a labuuhicha.

Yoohana 13:22

Abattitiis isyeyte, etichoki yeedaas miinsanyahe fooliis waayte.