Marko 14:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ ꞌDeerka abattitiistoo lammee erge wihi us iyidah, “Nyaama ilkerengeet gela, etoo ꞌdirihoo biccheet siꞌdo afiin a kayamiite raaha.

Marko 14:13 Referans Kwoze

Ibiraaniya 5:9

Inkoo tuum lakayeele ka, eti jirtuu tuumman ꞌdooꞌdi usú raaho ribo yitah.

Ibiraaniya 4:13

Wohoo rucchule lasoouume Waakh lakadagcho ma jiraan, Waakh ortiis ka walah tuumman a nyiikhsanyahiin one, iꞌdaanu arga. Waha a Waakkhi berri wihi inno yeelle tuumman inno worsati.

Yoohana 15:14

Atin a aalassaaya chirri atin amureey raahtaan.

Mattaayo 8:9

Iꞌdi tahe ani rubeyteey laka a etoo iskarti addane ikawewween antohicho raaho, toro la iskarti addane an andi laka a jirta. Chirri an koo, ‘Kaale,’ iidah a yamiit. Chirri an koo, ‘Nyaam iro,’ iidah la a irta. Chirri an ilbooyeey, ‘Waha yeel,’ iidah la a yeela.”

Yoohana 2:5

Abartiis wihi iche ilbooyye itidah, “Walahbaaw us yeela atin iidah, yeela.”

Marko 14:12

Ibeenki oraate Daawti Makaateti Liikhasin maanti heleenki daawti Baasakka lasoorriyoocho eheet. Ibeenkaas goya abatti Yeesso wihi iche Yeesso worsatte, “Intoh ꞌdoonta iranna katannabanna, ꞌdee gololi daawti Baasakka kataham?”

Marko 14:14

Minki us gelo wihi atin ooyo itadeehiin, ‘Eti Ween mehe worsata ya, min goyaka meessi marti ani ichoow abattiteey gololi daawti Baasakka kanaham meeke?’