Marko 14:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Inkoo icho wahaas daageen ka weyti hamaadeene toro chilimme iayyicheen. Yuuda ꞌdeerka inti leemujjumenye us Yeesso dahanohicho kagesso yowte.

Marko 14:11 Referans Kwoze

1 Timooti 6:10

A mehe ꞌdooninti chilim weyti laꞌdoono iche suujoon tuumman dessa. ꞌDooꞌd gaasoo chilim rirrihaayi ichoowka wori Kiriisto miinsane goorat icho kakhuufaan kabaabeene toro la oytinti buure laka isikeeneen.

Yuuda 1:11

Sinati icho sugto eenna a buure. A mehe icho jiti suujenye goorat Kaayin tabe tabeen! Toro la jeenteti icho chilim iꞌdoonaan u, uskeeli goorat Baalam gele icho laka ioryeen. Icho laka yeeddaagiwwaayyo katuumaan iꞌdi ꞌdooꞌdi goorat Koorah woyo Kamur daagiwwaayuu.

Mattaayo 26:15

wihi us worsate, “Chirri an Yeesso dahantiin soogesse, mehe isiissaan?” Iche la chilimmeti lahaageete tomon seyyahe iekkaasse.

Mattaayo 26:14

Yomboka abatti Yeessoti tomon ichoow lammee kichekoo, ki Yuuda Iskaariyoot layadeeh, kuhaaniyyohi wewween iirte,

Marko 14:10

ꞌDeerka Yuuda Iskaariyoothi ullaka abatti Yeessoti tomon ichoow lammee kichekoowe, kuhaaniyyohi wewween iirte, Yeessó ꞌdub goocha dahanohicho gessaa.

Marko 14:12

Ibeenki oraate Daawti Makaateti Liikhasin maanti heleenki daawti Baasakka lasoorriyoocho eheet. Ibeenkaas goya abatti Yeesso wihi iche Yeesso worsatte, “Intoh ꞌdoonta iranna katannabanna, ꞌdee gololi daawti Baasakka kataham?”

Luuka 22:3

Seytaan la Yuudahi Iskaariyoot layadeehe abatti Yeessoti tomon ichoow lammee kichekoowe gele.