Marko 13:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Sirgaalle a isdihta, karnato laka isdihaan. Ilassi ittaawe ka harra sesseehta, nabhayye laka tamiit. Wahaas a chiis birriissa on.

Marko 13:8 Referans Kwoze

Mattaayo 24:8

Wahaas tuumman a chiis birriissa on.

Bakkaahit 6:4

ꞌDeerka faraꞌdoo addane guuꞌddane iꞌdi ꞌdabe soobahe. Waakh eti fuulo antohi us nebeyti harra kabaabiicho toro enenyet isbakkicho siiche. Birlaboo buure laka siiche.

1 'Dessaloonika 5:3

Geeddi ꞌdooꞌdi Kiriisto ikakhuufin, “Nebey on jirta, walah nah uloonni mele,” essi, chirraase doglaan sinati buure isoobahta, iꞌdi bolokkhi makhaabassi chiise u. Ma bahsataan la.

Hilassi Ergaano 11:28

Kichekoo magahiis Agaabo layadeeh kahe, Rubeyti Munyee ka, saggi abaartoo suuje dowwanoha ka harrati sirgaali Rooma anti tuumman igesso orey on cheeke. Abaartaas la maanti Kilaawudiyo karnat yitahye soomarte.

Marko 13:7

Maanti atin yaafohi isdiho ichoow worassi ibuuhine dihoyyoot daagteen, anahina. Wahanyeyyoha a sooyateehiine, iꞌdaasenyi ibeenki yomboot uliba a ankhanyahe on.

Marko 13:9

“Atin rubeytiin laka yuubsada. Jaldaabohi Yaꞌhuude atin liidiiba, minassi weysiite Yaꞌhuud ka atin lajaha. Jeenteteey u, gaafanayyo ichoow karnatte atin liigeecha atin liicheekta, atin la garti Wori Haaggan tateehiin.