Marko 13:32 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³² “Aabbaheey on menye, et maantaas ommos sahaꞌddaas garti mele. Herti Waakhe goobi Waakh fiddiito ommos Ínam Aadam laka ma gartaan.

Marko 13:32 Referans Kwoze

Hilassi Ergaano 1:7

Yeesso la icho mehe iyidah ya, “Aabbaheey antohiissa on ka maan ichoow chirri walah dakkhan yateehiin gooche. Atin mee maanti icho yateehiin abattaan.

Mattaayo 25:13

“Maantaka toorribda, a mehe maan ichoow sahaꞌd ma garattaanee.

Bakkaahit 3:3

Maantaka wihi goorat atin laabche toro atin daagteen kasooꞌhela raaha, uskeeliin la kasoonokhda. Iꞌdaasenyi chaꞌatin ineybaan, iꞌdi eti hatto leh u, doglaan on atin soogela, sahaꞌddi an amiit la ma garattaan.

Mattaayo 25:6

“Naanokhoka, etoo riire wihi us yidah, ‘Eti min disti kallaaye, kaha or a kadowno.’

2 Beetero 3:10

Iꞌdaasenyi ibeenki Kamur iꞌdi eti walah hato iyamiit. Maantaas la sereyta daayan saggi uskule iyeedda, baabaata. Wahanyeyyohi sereyta kajiro tuumman la a gubtaane bar waayaan. Toro la harra ichoow wihi harra kajiro tuumman laka a laguba.

Mattaayo 25:19

“Inkoo geeddi deer labarye ka, kamuri ilbooyyetaas soonokhte, ebba wihi us chilimmetaas kahaagsate worsate.

Bakkaahit 1:1

Waha a wori Yeesso Kiriisto miinsane ani liisoobabbakkaahiche. Waakh Yeesso Kiriisto waha a siiche, ꞌdee falfayyohiis wihi dowwanoha ka sooyateeh tusa. Kiriisto la hertiistoo Waakhe ilbooyiiski Yoohana layadeeh isooerge, wora icheeke.

Marko 13:31

Sereyta daayan ichoow harra a kutaane, iꞌdaasenyi yeedasseey jirtuu tuumman ma kutaan.