Marko 13:27 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁷ Herti Waakh harra ꞌdollohiche affarcho ierga, ꞌdooꞌdi Waakh soobahsate harra ꞌdubiche ichoow sereyta daayan ꞌdubiche kasoobaayissa.

Marko 13:27 Referans Kwoze

Mattaayo 24:31

Ulla Herti Waakhe arabi fallee afuufto harra ierga, iche la ꞌdooꞌdi Waakh soobahsate harra ꞌdollohiche affarcho ichoow sereyta daayan ꞌdollohiche tuumman kasoobaayissa.

2 'Dessaloonika 2:1

ꞌDooꞌd Kiriistokaaw, alleya bal wihi emeetti Yeesso Kiriistohi Kamureene ichoow kulanki inno ichoow usu ba kulanno miinsan, a atin isoocheekno.

Luuka 16:22

“Saahka eti miskiine yumuyye, herti Waakh la khaatte inti ꞌdooꞌdi fiffissane tuume lagesso ka, Aburaaham garabiis orrommisse. Eti kamure laka yumuyye lahawwaale.

Marko 13:20

Chiꞌ Kamur ibeennetaas igaabin, etoo kalday laka ma sooꞌhado. Iꞌdaasenyi iroonoti ꞌdooꞌdiiski us soobahsatuu, ibeennetaas a gaabiche.

Mattaayo 13:41

Ínam Aadam hertiis a sooerga, iche la ꞌdooꞌdi tuummane enenyet uskeel kalugꞌdo ichoow ki hugunꞌdarri kaassohti tuumman dakhiis goya kabahchaan.

1 Beetero 1:2

Soobahsanaanki Waakkhi Aabbaheene atin soobahsate ichoow wihi ꞌhor us garte a israahaan. Toro us a atin soobahsate hili Rubeyti Munyee ka atin munyaache, ꞌdee Yeesso Kiriisto aytiis raahtaane diiggiis ka atin lakadikha. Waakh ba tuum atin imaala nebey tuum atin kakaala.

2 Timooti 2:10

Maantaka jeenteti ꞌdooꞌdi Waakh soobahsatuu an walah tuumman a igarrahsada, ꞌdee icho laka ribnaan ichoow weynaanti jirtuu imassanne Yeesso Kiriisto lakaꞌhelo ꞌhelaan.

Kolossaay 3:12

Waakh a atin soobahsate, ꞌdooꞌdiiski munyeenye us weyti ꞌdoono, atin kayeesse. Maantaka, taba giꞌde waha yeela, ꞌdooꞌdi uur nugul ateeha, ꞌdooꞌdi uur ꞌdabakhe ateeha, isnuglaacha, ꞌdooꞌdi samacchaare ateeha, ꞌdooꞌdi garrahsi khabo la ateeha.

Rooma 8:33

Icho ayyo maanta ꞌdooꞌdi Waakh rubeytiis soobahsate uskeeloo kacheekta? Waakh rubeytiis ꞌdooꞌdaas ꞌdooꞌdi fiffissane iekkaache.

Yoohana 11:52

Toro la Yeesso jeenteti yaaftaas kalday on ma iyamuute, iꞌdaasenyi jeenteti nyaakhuti Waakhe taasane iyamuute, ꞌdee ꞌdooꞌdi harra tuumman isikeena, wohoo kalday kayeela.

Yoohana 10:16

ꞌDooꞌdoo addane iꞌdi iiyteeyenye, woyheey goya ikajirin a jira. Kaas laka a soodowa. Icho laka hooyeey a dagansataane, icho tuumman la iꞌdi woyhoo kaldache ersinkoo kaldach khabo yateehiin.

Luuka 18:7

Maantaka Waakh ꞌdooꞌdiiski us soobahsate ibeen ichoow maalim ba usu iooyo wihi fissan ma igoocho? Wihi icho ꞌdoonaan dowwa ma iyeelo?

Marko 13:22

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate ekkeestaan.

Mattaayo 24:24

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate laka ekkeestaan.

Mattaayo 24:22

“Chiꞌ ibeennetaas liigaabin, etoo kalday laka ma sooꞌhado. Iꞌdaasenyi iroonoti ꞌdooꞌdiiski us soobahsatuu, ibeennetaas a lagaabicha.

Mattaayo 13:49

Ibeenki yomboote Waakh enenyet tuumman hukkumo laka iꞌdaas on tateeh. Herti Waakh a tamiite ꞌdooꞌdi uskeel yeele ichoow ki fiffissan ba seley saahta.

Mattaayo 12:42

Ibeenki Waakh ꞌdooꞌd hukkumo la makhaabassi karnatenye ili Cheeba a kahta ꞌdooꞌdi iꞌdee uskeel igoossa. A mehe iche goorat harra ginꞌdohicheeda katimiyye kharati karnati Soolomon layadeeh khabe dagansatte, toolla la etoo Soolomon laka kaween kallaay.

Marko 13:28

“Taba geeyi fiig yeeda kaabda. Uuꞌ liikhimohiis ulhawtaane seeb bahchaan, saggi ꞌdaato isoodowwaatte a garattaan.