Marko 13:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ Isyaakhicha giꞌde! Walah dakkhan geeddi il ankhayyahe a atin isoocheekee.

Marko 13:23 Referans Kwoze

2 Beetero 3:17

Maantaka aalasseeyki an weyti ꞌdoono, waha orey on garatteen gone taba isyaakhicha. Uus suujoonki ꞌdooꞌdi hugumme iraahin atin ekkeysanne luhlo atin kakhaatin. ꞌDooꞌda iꞌdane atin yeela ꞌdee kakhuufnaanki atin Waakh kakhuuftaane isesseehin ka kuftaan.

Yoohana 14:29

Waha tuumman la geeddi icho iitaahane atin icheeke, ꞌdee ꞌdeerka maanti icho yateehiin rummeysattaan.

Luuka 21:8

Wihi us ilaabe, “Yuubsada, uus atin leekkeysan. A mehe ꞌdooꞌdi ittaawenye ani iskaayyeelo yamiite, ‘Ani a Ki Lasubhe,’ essi toro ‘Ibeen a soodowwaate,’ essi a agartaan. Icho araahina.

Marko 13:5

Yeesso la wihi us iyidah, “Yuubsada, uus etoo kalday laka atin ekkeysan!

Luuka 21:34

“Weyti isyuubsada uus meleefu ichoow wahanyeyyohi sussuujenye ꞌdooꞌdi meleefee yeelo ichoow waꞌdwaaꞌdi jirota uurassiin miigoonne ꞌdee ibeenkaas iꞌdi angey u doglaan atin geline.

Marko 13:33

Taba isyaakhicha! Toorribda! Ibeenki sahaꞌddaas tateeh ma garattaanee.

Marko 13:9

“Atin rubeytiin laka yuubsada. Jaldaabohi Yaꞌhuude atin liidiiba, minassi weysiite Yaꞌhuud ka atin lajaha. Jeenteteey u, gaafanayyo ichoow karnatte atin liigeecha atin liicheekta, atin la garti Wori Haaggan tateehiin.

Mattaayo 7:15

“Taba ꞌdooꞌdi ꞌdooꞌdi Waákh íyeyyeedo iskaayyeelo yuubsada, iꞌdi tahe icho uummanki iiyyaate atin ikayamiitiine, ugoka uurassicho ka a yaayti weyti sussuuje.

Mattaayo 24:25

Yeya, geeddi il ankhayyahe waha a atin isoocheekee.

Marko 13:22

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate ekkeestaan.

Marko 13:24

“Iꞌdaasenyi maanassaas sinayyohaas buure kuteen, “ ‘orrahe a daayatta, yeyyah la banayhiis ma soobahcho,