Marko 13:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Enenyet tuumman a atin ꞌdiiꞌda jeenteti atin abattiteey itahiin u. Iꞌdaasenyi, eti garrahsate ichoowka sinata ꞌdubiche eleele a lariba.

Marko 13:13 Referans Kwoze

Mattaayo 10:22

Enenyet tuumman a atin ꞌdiiꞌda jeenteti atin abattiteey itahiin u. Iꞌdaasenyi, eti garrahsate ichoowka sinata ꞌdubiche eleele a lariba.

Mattaayo 24:13

Iꞌdaasenyi eti garrahsate ichoowka sinata ꞌdubiche eleele a lariba.

Luuka 6:22

Waakh a atin imaala maanti enenyet jeente Ínam Aadam u atin ꞌdiiꞌdo, atin riho, ommos atin abaaro, magahiin uskeeli nool kawaho.

Galaatiya 6:9

Uus inno haaggi inno yeello kaꞌharin giꞌde. A mehe chiꞌinno ajjibaat ikhaatin, maane a tamiit, ti inno gurnaan ꞌhello.

Rooma 2:7

Waakh eti tuummane garrahsati haag on yeelo, jita ka la Waakkhi usu koolicho, inkaanyit tuso toro la jiroti ituumin siicho yowti, jiroti jirtuu imassanne siicha.

Yoohana 15:21

Waha tuumman la jeenteti atin keey itahiin u, a atin layeela. Iꞌdi tahe icho eti ani isooergate ma gartaan.

Bakkaahit 2:10

Sinayyohi dowwanoha ka atin lasoomhicho akaroorina. Wihi an atin icheeko, Seytaan gaasiinkoo jeela kachiba a atin kajaa. Sinayyoha la ibeen tomon on atin yamhiin. Chiꞌ omoot atin liigooche laka, ani on ikakhuufa ani la ꞌduubi jiroti jirtuu imassan a atin siichaa.

Ibiraaniya 10:39

Iꞌdaasenyi inno ꞌdooꞌdi Waakh adah kakhabti labaabiicho goya ma kijirro, ꞌdooꞌdi Waakh kakhuufo, Waakh ribo goya kijirra.

Ibiraaniya 3:14

Iꞌdi tahe chirri inno geeddi inno jiro khabno inno mujjum tolossanne, inno khajjeeli maanti inno kolooraat Yeesso rummeysanne on khabno, inno tuumman Kiriisto a walhinne.

Yoohana 17:14

An woraah a siiche, ꞌdooꞌdi wahanyeyyohi harratane sussuuje raaho la icho a ꞌdiiꞌde. Iꞌdi tahe icho ki harrata mee, iꞌdi an laka ki harrata ieheynan u.

Luuka 21:17

Enenyet tuumman a atin ꞌdiiꞌda jeenteti atin abattiteey itahiin u.

Mattaayo 24:9

“Maantaas a atin ladiiba, ꞌdee sina atin loomhicha, toro atin layagiis. ꞌDooꞌdi harra tuumman la a atin ꞌdiiꞌda jeenteti atin abattiteey itahiin u.

Bakkaahit 3:10

Atin amureey a raahteene garrahsatteen gone, maanti sinayyohi khar kayamiit ꞌdooꞌdi harra yaal tuumman isoobahaane ꞌdee kajaan, an a atin toorriba.

Yaakoobo 1:12

Waakh eti sinayyohi kharaat ka garrahsati a imaala. A mehe inkoo us kajmeyyohaas ka mujjum tolossate, Waakh kalaꞌddi us ꞌdooꞌdi usu ꞌdoono iayyiche iche siicha, kalaꞌdda la a jiroti jirtuu imassan.

1 Yoohana 3:13

ꞌDooꞌdeeyki Kiriisto rummeeste, chirri ꞌdooꞌdi harrata atin nibhaate agirmeysanna.

Marko 13:12

“Etoo walaaliissa ꞌdub goocha dahanohi nahab gessa ꞌdee layagiis. Ooyo laka weeliis iꞌdaas yeela. Nyaakhut ꞌdooꞌdi dele yeedicho ꞌdiiꞌda, dahanohi ꞌdooꞌdoo addan gessaane ꞌdee layagiis.