Marko 12:37 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁷ Dawuud rubeytiis usu Kamure kawaha, saggoh ꞌdeerka Ki Lasubhe hiiy Dawuud iyahe?” Urur tuumman hamaadi buure ka dagansate.

Marko 12:37 Referans Kwoze

Bakkaahit 22:16

“Anihi Yeessee herteeytoo a kisooerge, ꞌdee iche la wahanyeyyoha tuummane rummaat ururreteey icheekta. Ani a Hiiy ichoow weel weel Dawuude toro la a Bakkaali Baryo weyti ababo.”

Yaakoobo 2:5

ꞌDooꞌd Kiriistokaaw, waha daaga bal, Waakh ꞌdooꞌdi harrata ka miskiin liiekkaacho ma soobahsanne, ꞌdee kakhuufnaanki icho Yeesso kakhuufaan ka Waakh icho kamurre ma iekkaanna? Toro la Waakh ꞌdooꞌda ma soobahsanne ꞌdee dakhi Waakhe Waakh ꞌdooꞌdi usu ꞌdoono iayyiche ma muꞌdan a?

1 Timooti 3:16

Rumanka runti dagsaneete Waakh miinsane Waakh inno isoobabbakkaahiche a weentahe. Kiriisto harrata saggi weeli enenyete iyimiyye, Rubeyti Munyee la saggi us ifissanyahe enenyet tusse. Herti Waakh usu a agarte. Woriis yaafohi Yaꞌhuud ieheynan goyaka lacheeke, ꞌdooꞌdi ittaawenye harra usu rummeeste, goobi Waakh liikorche.

Rooma 9:5

Icho la aacchinyetichoti lagarti Aburaaham ichoow Isakh ichoow Yaakoobo illehe a khabaan. Kiriisto anki weeli enenyet ka, hiiyyaase kayimiy. Ulla a Waakkhi walah tuumman anti, koolo a ꞌhelo jirtuu tuummamba! Aamiin.

Yoohana 12:9

Ururoo buurenye Yaꞌhuud Yeessohi ilkerengeetti Beꞌdaaniya kajiro daage, intaas yimiy. Icho la jeenteti icho Yeesso iargaan kalday menye, Laassarohi Yeésso omoot kasookahche laka argine yimaateen.

Luuka 21:38

Chirdeer tuumman la ꞌdooꞌd minki Waakhe buurenye irta, wihi Yeesso essi dagansata.

Luuka 19:48

Iꞌdaasenyi sag icho iyagiisin mele. Iꞌdi tahe ꞌdooꞌd tuumman weyti yeed Yeesso nabah isude. Et usuhi aytoo kaldaye Yeesso yidah laka kanyaanto ꞌdoono mele.

Mattaayo 21:46

Jiti iche Yeesso kakhabatti yowatte. Iꞌdaasenyi urure karooraan. A mehe enenyet Yeesso eti Waákh íyeyyeedo ikhaate.

Mattaayo 11:25

Yeesso chirraakka weeste wihi us yidah, “Aabbahaaw, Kamuri serey ichoow harra ba iween, a kikoolicha. Iꞌdi tahe at wahanyeyyoha ꞌdooꞌdi kharayyeenye toro la weyti soome a kadagisse, ꞌdooꞌdi iꞌdi nyaakhutenye wohoo igaran la tusse.

Mattaayo 11:5

ꞌDooꞌdi indo laa kola indo a bahcha, ki luhlo ikhabin luhlo a bahcha. ꞌDooꞌdi buꞌdayyo sar kakhabe a lasamaacha, ki dogo laa la dogo a bahcha. ꞌDooꞌdi tuume la omoot a lakasookahcha. ꞌDooꞌdi wahanyeyyohi Waakh miinsan ka miskiine la Wori Haaggan a liicheeka.

Mattaayo 1:23

“Inanti mejel igaran a uurowta, inankoo dessa. Magahiis la Emmaanuwel iche layadeeh.” Iꞌda ka mehe leessa ya, “Waakh a inno leejira.”

Mattaayo 21:45

Chirri kuhaaniyyohi wewween ichoow Farissaayo mammaho Yeesso daageen ka, saggi us woricho ikaayyeede garteen.