Marko 12:36 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁶ Dawuud rubeytiis Rubeyti Munyee ka yeyyeedaayi mehe yidah ya, “ ‘Waakkhi Kamure wihi us Kamureey iyidah, Dabankeeyki miigeete antoot orrommo, ichoowka chiiytaah tuum dahanohaah a soogesso.’

Marko 12:36 Referans Kwoze

Ibiraaniya 1:13

Hertoh Waakhe injire Waakh iꞌda iidah, “Dabankeeyki miigeete antoot orrommo ichoowka chiiytaah tuum dahanohaah a soogesso?”

1 Koriinto 15:25

A mehe wihi Waakh gooche, a Kiriistohi karnatenye walah dakhti ichoowka Waakh chiiytiis tuumman dahantiis gesso.

Hilassi Ergaano 1:16

wihi us yidah, “ꞌDooꞌd Kiriistokaaw, wihi massan Chiirnaanneti Waakhe Rubeyti Munyee Dawuud afiis leekeente, Yuudahi ꞌdooꞌdi Yeesso khabti soowoye miinsan a labuuhicha.

2 Beetero 1:21

A mehe ꞌdooꞌda Waákh íyeyyeedo yeedicho ꞌdooninti weeli enenyet ma kasoouummamin. Iꞌdaasenyi yeedi icho cheekeen, a ki Waakh kayimiyye Rubeyti Munyee aficho leekeente.

1 Beetero 1:11

ꞌDooꞌda Waákh íyeyyeedo Rubey Kiriistoti goycho kijirto icho et ichoow maan tusso iche aban ꞌdooneen. Rubey Kiriisto la wahanyeyyoha saggi Kiriisto sina liikawaaricho yomboka liiweynaacho miinsan orey on cheekte.

Ibiraaniya 4:7

Maantaka Waakh toro ibeenkoo addane nasmetiis laꞌhelo yeele, ibeenkaas la Maalinkane layadeeh. Inkoo geeddi deer lafiddiye ka, wihi Waakh Dawuud ka yidahye kootte orey lakahawwooche a mehe ya, “Maalinka, chirri atin wihi Waakh essi daagteen, matah amiigeysanna.”

2 Timooti 3:16

Chiirnaanneti Waakh tuumman a ti neebsihi Waakh kasoouummante. Chiirnaanneta enenyet a iroontahe, a mehe enenyet walahe abissa, enenyet uskeeliis icheekta, enenyet khumissa, saggi enenyet jiroti fissan ijiro la abissa.

Hilassi Ergaano 28:25

Inkoo Baawulo ayta yomboot cheeke ka ꞌdooꞌd iswaaye toro kaheen. Baawulo la wihi us yidah, “Geeddoo meheenye Rubeyti Munyee afi eti Waákh íyeyyeedo Isaaya layadeeh ka aacchinyeteen leeyyeedde. Yeediis la kalla,

Mattaayo 5:35

Ommos harra laka akadaatanna, iꞌdi tahe harra a komborti rucchule Waakh luhlohiis korcho ommos ilkerengeetti weene Yeerusaleem laka akadaatanna, iꞌdi tahe a ilkerengeetti Waakkhi karnatenye weene.