Marko 12:28 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁸ Etoo la a tagaanki amurre yimiyye wihi icho kahawwoochaan daage. Saggi Yeesso yeed ieysiiche arge, wihi us Yeesso worsate, “Amurreti Waakh tuumman goyaka, koh weyti khumman?”

Marko 12:28 Referans Kwoze

Luuka 20:39

Tagaammetoo amurre wihi icho yidaaheen, “Eti ween rumanka wahaas a ayti haaggan.”

Mattaayo 19:18

Ulla, “Amurretoh?” worsate. Yeesso wihi us ilaabe, “ ‘Weeli enenyet dubunuunu iigaasan, makhaabali kaah ieheynan ommos makhaabassi taah ieheynan aleeurꞌdin, hatto iiran, garti beenaat ayeedin,

Mattaayo 5:19

Eti tuummane amuri amurreti Waakh goyaka rucchul laka jebche, toro la ꞌdooꞌdi addan laka iꞌdaas yeela iyadeeh, dakhi goobi Waakh ka walah us yahe mele. Iꞌdaasenyi eti tuummane amurretaas raahe, ꞌdooꞌdi addan iꞌdi iche ichiirantahe abche la, dakhi goobi Waakh ka a weenyahe.

Luuka 11:42

“Atinhi Farissaayee sinati atin sugto eenna a buure! A mehe atin geeyohi golol haaggicho iꞌdi maanta nyaayka ichoow imboogayyohi fil ittaawe ka Kamur gisi tomonnaatteet a ibihissaan. Iꞌdaasenyi ꞌdooꞌdi jiti fissan ka lahukkumo ichoow ꞌdooninti Waakh a ꞌdiisseen. Wihi atin lakaꞌdoono a atinhi Kamur gisi tomonnaatteet ibihissaan, iꞌdaasenyi wahanyeyyohi weyti khumman aꞌdiinna.

Mattaayo 23:23

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Iꞌdi tahe atin wihi ikhummaneynane iꞌdi geeyohi golol haaggicho iꞌdi maanta nyaaykee ichoow bisaaree ka, Kamur gisi tomonnaatteet a ibihissaan. Iꞌdaasenyi wihi amurre ka wihi weyti khumman liiekkaacho a ꞌdiisseen. Waha a iꞌdi maanta ꞌdooꞌdi jiti fissan ka lahukkumo ichoow uurnugleel ichoow atinhi ꞌdooꞌdi lakakhuufo tateehiin a ꞌdiisseen. Kamur gisi tomonnaatteet ibahcha iꞌdaasenyi wahanyeyyohi weyti khumman aꞌdiinna.

Marko 9:14

Chiꞌiche abattiti addan itamiit, ururi buurenye icho khaariche argeen. Tagaammeti amurre ichehi abatti leeiriirto ꞌheleen.