Marko 12:27 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁷ Usu Waakkhi ꞌdooꞌdi tuume mee, iꞌdaasenyi a Waakkhi ꞌdooꞌdi jiro. Atin weyti khufteen, atinhi ꞌdooꞌdi tuume kol us toro isookahin koogtihiin.”

Marko 12:27 Referans Kwoze

Rooma 14:9

Jeentetuu Kiriisto a yumuyye toro la toolla a jira, ꞌdee Kamuri ꞌdooꞌdi jiro ichoow ki ꞌdooꞌdi tuume yateeh.

Rooma 4:17

iꞌdi liichiiruu, “An ooyohi yaafohi ittaawenye kaayeele.” Aburaaham Waakh ortiis ka a ooyoheenna. Waakkha us rummeeste a Waakkhi enenyet omoot kasookahcho toro la wihi goorat nolol ikhabin noolaacho.

Marko 12:24

Yeesso wihi us ilaabe, “Atin wihi Chiirnaanneti Waakh enenyet abisso ichoow miigti Waakh ma garattaan. Jeenteta menya jiti baabule ikijirtaan?

Ibiraaniya 3:10

Ani la jeentetaase kholotaas ikahollowe, wihi an idah, ‘Uurassicho kol dakkhan baabaa iche kijiraane, jitasseey la ma garan.’

Mattaayo 22:29

Yeesso wihi us ilaabe, “Atin jeenteti atin wihi Chiirnaanneti Waakh enenyet abisso ichoow miigti Waakh igaran u, jiti baabulenye kijirtaan.

Mattaayo 22:32

Waakh mehe yidah ya, ‘Ani a Waakh Aburaaham, a Waakh Isakh, a Waakh Yaakoobo.’ Usu Waakkhi ꞌdooꞌdi tuume menye, iꞌdaasenyi a Waakkhi ꞌdooꞌdi jiro.”

Luuka 20:38

Usu Waakkhi ꞌdooꞌdi tuume mee, iꞌdaasenyi a Waakkhi ꞌdooꞌdi jiro. A mehe usu ka enenyet tuumman a noolyahe.”