Marko 12:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Yeesso ꞌdeerka makhaaballetaas mammah ka wihi us iyidah, “Etoo geeyohi sabiibe gosiis goyaka il gesse. Gos ootti dagaheet kamarche, lunki gurnaanki sabiib lakayabti khute. Koondihi deere eti gos yaakhicho fiddiyo, laka dise. ꞌDeerka gosiis lakireeste, ulla iloo deer sulhaal kiirte.

Marko 12:1 Referans Kwoze

Marko 13:34

Waha iyookkoka, a iꞌdi etoo sulhaal irti. Minkiis katabo, bowꞌdayyohiis anto siicho, kooba hili us haaggicho ikatabo, eti arit fiddiyo la amuri us meel yaakhicho ibahcho.

Marko 4:2

Enenyet mammaho ka wihi buure abche, wihi us yidah,

Mattaayo 25:14

“Toro dakhi Waakh a iꞌdi etoo sulhaal irti. Bowꞌdayyohiis wahe, kooba wihiiskoo dahan gesse.

Hilassi Ergaano 7:38

Maanti ꞌdooꞌdi Issiraayel hidaad ka iskafurte, Muusahaase leejire. Muusahaase Hali Sinnaay ka, Waakh iꞌdi herti Waakh u isoobahe, leeyyeede. Ulla Waakh ichoow aacchinyeteen dahcho kajire. Muusa la Yeedi Waakhe jirtuu tuumman imassan Waakh kaꞌhele inno laka inno isookucche.

Luuka 19:12

Wihi us yidah, “Etoo gooboo magah khabo iloo fogaate irte, ꞌdee antohi us ilaas kadakhti ꞌhela toro soonokhta.

Luuka 15:13

“Inkoo geeddoo labarye ka, inanki nugul wihi lasiiche dakkhan ororiche, iloo fogaat irte, ilaas ka hoolahiis kagirꞌdaame.

Luuka 8:10

Wihi us iyidah, “Waakh garanti wihi dagsane dakhi Waakh miinsan lagarti a atin siiche. Iꞌdaasenyi ꞌdooꞌdi addan a imammahda, “ ‘ꞌdee walah yeyaane, eheet a ma argaan, wihi an eldi daagaane, eheet a ma abtaan.’

Mattaayo 21:28

Yeesso wihi us ꞌdooꞌdaas iyidah, “Hawweesa kamalda bal. Makhaabaloo ínam lamma khabe, inanki weene iirte, ‘Inankaaw, maalinka iro goseenki sabiib khut,’ iyidah.

Luuka 22:9

Icho la wihi icho worsateen, “Intoh ꞌdoonta, katannabanna?”

Mattaayo 13:3

Ulla mammaho ka wihi buure abche, wihi us yidah, “Etoo gos khabo, a irte ilmo harra kachibaa.

Mattaayo 21:33

“Mammahtoo addan dagansada. Etoo gos lehe geeyohi sabiib gosiis goyaka il gesse a jire. Gos la oot kamarche inti gurnaanki sabiib lakayabti khute. Koondihi deere eti gos yaakhicho fiddiyo laka dise. ꞌDeerka gosiis lakireeste, ulla iloo deer sulhaal kiirte.

Mattaayo 21:34

Maanti ibeenki gurnaan lagurti yitah ka, eti gos leh falfayyohiis ꞌdooꞌdi gos kireeste iergate, gisi gurnaankiis yowte.

Marko 3:23

Yeesso ꞌdeerka ꞌdooꞌd wahe, mammaho ka leeyyeede, “Seytaan saggoh Seytaan ibahcha?

Marko 11:33

ꞌDeerka wihi icho Yeesso ilaabeen, “Nah ma garanni.” Yeesso la iiyeyye, “Ani laka antohi an wahanyeyyoha kahaaggicho ma atin isoocheeko gon.”